პარტია მოქალაქეების ლიდერის, ალეკო ელისაშვილის თქმით, თბილისის მერობის კანდიდატებისთვის ნარკოტესტის ჩაბარება პრობლემას არ უნდა წარმოადგენდეს.

"თუ არა ხარ ნარკომანი და რაღაცა არ გიმაიმუნია, რად გინდა ამდენი ხვეწნა-მუდარა. [...] ამდენად, გახარია იქნება, მელია თუ ანა დოლიძე, მოვუწოდებდი, რომ გაცილებით ღირსეული და საპასუხისმგებლო ქცევა იქნება, წადი, ჩააბარე და თქვი, რომ არაფერი არ მჭირს. არ მინდა მე ნარკომანი ქალაქის მერი", — განაცხადა ელისაშვილმა რუსთავი 2-ის ეთერში.

ქართული ოცნების მერობის კანდიდატმა, კახა კალაძემ ნარკოტესტი რამდენიმე დღის წინ ჩააბარა და ოპონენტებსაც იგივე მოუწოდა.