როგორც კი გამოქვეყნდება კვლევა, გოდრით გამოაქვთ ხოლმე კობახიძე ან მდინარაძე თავისი ციფრებით — უგულავა
![](http://chandler.on.ge/2020/10/19/1602752758.jpg)
ფოტო: ევროპული საქართველო
ფოთის მერობის კანდიდატის, გიგი უგულავას განცახდებით, საერთაშორისო ორგანიზაციების კვლევების გამოქვეყნების შემდეგ ქართული ოცნება "გოდრით გამოიტანს" მდინარაძეს ან კობახიძეს, რათა მათ საპასუხოდ თავიანთი ციფრები წარუდგინონ საზოგადოებას.
"როგორც კი დამოუკიდებელი მედია გამოაქვეყნებს საერთაშორისო ან რომელიმე ავტორიტეტული ორგანიზაციის კვლევას, მეორე დღეს გოდრით გამოიტანენ ხოლმე ან კობახიძეს, ან მდინარაძეს და გამზადებული აქვთ თავისი ციფრები. ოდნავ დაკვირვებული თვალი იმასაც დაინახავს, რომ ეს ციფრები ხშირად ერთმანეთს ეწინააღმდეგება, სულ რაღაც ათი დღეა ხოლმე მათ გამოქვეყნებულ ციფრებს შორის და ხშირად არის ცა და დედამიწა. ამიტომ, ეს ყველაფერი არის ღიმილისმომგვრელი და სასაცილო", — განაცხადა უგულავამ.
გუშინ, 9 სექტემბერს, ტელეკომპანია ფორმულამ Edison Research-ის მიერ ჩატარებული კვლევის შედეგები წარუდგინა საზოგადოებას. კვლევის თანახმად, კითხვას დღეს რომ ადგილობრივი თვითმმართველობის არჩევნები ტარდებოდეს, რომელ პარტიებს მისცემდით ხმას — 33%-მა ქართული ოცნება უპასუხა, 25%-მა ნაციონალური მოძრაობა, ხოლო 10%-მა გიორგი გახარიას საქართველოსთვის.
დღეს, 10 სექტემბერს, ქართული ოცნების დეპუტატმა, მამუკა მდინარაძემ ბრიფინგი გამართა და შიდა კვლევის შედეგები არასრული მეთოდოლოგიით წარადგინა. მათი კვლევის მიხედვით, ქართულ ოცნებას 48,6% აქვს, ნაციონალურ მოძრაობას — 27,1%, ხოლო გიორგი გახარიას საქართველოსთვის — 5,8%.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები