ტელეკომპანია ფორმულას დაკვეთით, Edison Research-ის მიერ ჩატარებული კვლევის თანახმად, დღეს რომ ადგილობრივი თვითმმართველობის არჩევნები ტარდებოდეს რომელ პარტიებს მისცემდით ხმას — 33%-მა ქართული ოცნება უპასუხა, 25%-მა ნაციონალური მოძრაობა, ხოლო 10%-მა გიორგი გახარიას საქართველოსთვის. კვლევის მიხედვით:

• გამოკითხულთა 6%-მა ლეიბორისტული პარტია აირჩია;
• გირჩი-მეტი თავისუფლება — 4%;
• ლელო — 3%;
• ანა დოლიძე ხალხისთვის — 3%;
• პატრიოტთა ალიანსი — 3%;
• მესამე ძალა-სტრატეგია აღმაშენებელი — 2%;
• ევროპული საქართველო — 2%;
• გირჩი — 2%;
• ერი — ლევან ვასაძე — 2%;
• დროა — ელენე ხოშტარია — 1%;
• მოქალაქეები — ალეკო ელისაშვილი — 1%;
• სხვა — 2%.

პოლიტიკოსების მოწონების რეიტინგში პირველ სამ ადგილს ექს პრემიერმინისტრი გიორგი გახარია, თბილისის მერი კახა კალაძე და ნაციონალური მოძრაობის თავმჯდომარე ნიკა მელია იკავებენ.

კვლევის თანახმად, გიორგი გახარიას და კახა კალაძეს დადებითად მოსახლეობის 55% აფასებს, ნიკა მელიას 46%. კალაძესა და გახარიას ნეგატიურად მოსახლების 45% აფასებს, ხოლო მელიას 54%.

კითხვაზე თქვენს ქალაქში მერის არჩევნები დღეს რომ ტარდებოდეს ვის მისცემდით ხმას (თბილისს გარეთ) — 35%-მა უპასუხა, რომ ქართული ოცნების კანდიდატს მისცემდა ხმას, 33%-მა გაერთიანებული ოპოზიციიდან კანდინდატი დაასახელა, 15%-მა საქართველოსთვის — გიორგი გახარია, 6% არცერთ მათგანს მისცემდა ხმას, 11%-მა პასუხზე უარი განაცხადა.

კვლევის თანახმად, დღეს რომ თვითმმართველობის არჩევნები ტარდებოდეს, არჩევნებში მონაწილეობას ნამდვილად მიიღებდა 73%, ალბათ მიიღებდა 19%, ალბათ არ მიიღებდა 4% და ნამდვილად არ მიიღებდა, ასევე, 4%.

კვლევის ფარგლებში დაისვა კითხვა, ვის დაუჭერენ მხარს 2021 წლის ადგილობრივი თვითმმართველობის არჩევნებზე ის ადამიანები, რომლებიც აცხადებენ, რომ 2020 წლის საპარლამენტო არჩევნებში ხმა ქართულ ოცნებას მისცეს. 65% კვლავ ქართულ ოცნებას მისცემდა ხმას, 11% საქართველოსთვის — გიორგი გახარიას, 6% ენმ-ს, 2% გირჩი მეტი თავისუფლება, 2% პატრიოტთა ალიანსს, 1% ლელოს, 1% ხალხისთვის ანა დოლიძეს, 7% სხვა პარტიებს.

გამოკითხული მოსახლეობის 72%-ის აზრით, ქვეყანა არასწორი მიმართულებით ვითარდება, 28% კი მიაჩნია, რომ ქვეყანა სწორი მიმართულებით ვითარდება.

TV პირველის ოპერატორის ლექსო ლაშქარავას გარდაცვალებას მოსახლეობის უმრავლესობა სრულად ან ნაწილობრივ (39-39%, ჯამში 78%) 5 ივლისის მოვლენებს უკავშირებს. მხოლოდ 22% ამბობს, რომ ლაშქარავას გარდაცვალება ამ დღეს საერთოდ არ უკავშირდება.

გამოკითხული მოსახლეობის ყველაზე მეტი — 92% ჯარს ენდობა, 84% — ეკლესიას, 83% — ექიმებს, 77% — უნივერსიტეტებს, 70% — დაავადებათა კონტროლისა და საზოგადოებრივი ჯანდაცვის ეროვნულ ცენტრებს, 68% — პოლიციას, 64% — მედიას.

კვლევის ფარგლებში, პირისპირი გამოკითხვის მეთოდით, ქვეყნის მასშტაბით გამოიკითხა შემთხვევითი შერჩევით შერჩეული საქართველოში მცხოვრები 1500 საარჩევნო უფლების მქონე 18 წლისა და მეტი ასაკის ადამიანი. კვლევა 13 აგვისტო - 5 სექტემბრის პერიოდში ჩატარდა. შედეგების ცდომილება +/- 3%-ია.