ქართული ოცნების თავმჯდომარე, ირაკლი კობახიძე Edison Research-ის კვლევის შედეგებს სააკაშვილისა და კეზერაშვილის ერთობლივ სიზმრებს უწოდებს. მისი თქმით, Edison Research-ის "სიზმრები" არასდროს ამხდარა.

"ეს არის სააკაშვილის და კეზერაშვილის ერთობლივი სიზმრები, რომელიც კიდევ ერთხელ წარმოგვიდგინეს. ჩვენ შეგვიძლია ინტერესით დავაკვირდეთ მათ სიზმრებს და ამ სიზმრებში არის ერთი რამ ძალიან საინტერესო — პირდაპირ იკვეთება მათი ინტერესი. მათი ინტერესია, რომ რაღაცნაირად ნაცმოძრაობამ და გახარიამ ერთობლივად მოახერხონ ისეთი რაოდენობის ხმების შეკრება, რომელიც მათ ქვეყნის არევის საშუალებას მისცემს", — აცხადებს კობახიძე.

ტელეკომპანია ფორმულას დაკვეთით, Edison Research-ის მიერ ჩატარებული კვლევის თანახმად, დღეს რომ ადგილობრივი თვითმმართველობის არჩევნები ტარდებოდეს რომელ პარტიებს მისცემდით ხმას — 33%-მა ქართული ოცნება უპასუხა, 25%-მა ნაციონალური მოძრაობა, ხოლო 10%-მა გიორგი გახარიას პარტია საქართველოსთვის.

გარდა ამისა, გიორგი გახარიას და კახა კალაძეს დადებითად მოსახლეობის 55% აფასებს, ნიკა მელიას 46%. კალაძესა და გახარიას ნეგატიურად მოსახლების 45% აფასებს, ხოლო მელიას 54%.