საქართველოს პრეზიდენტის გიორგი მარგველაშვილის სამუშაო ვიზიტით აზერბაიჯანშია. ის დღეს ბაქოს მეხუთე გლობალური ფორუმის მუშაობაში მიიღებს მონაწილეობას. ინფორმაციას ამის შესახებ საქართველოს პრეზიდენტის ადმინისტრაცია ავრცელებს.

უწყების პრესსამსახურის ინფორმაციით, მარგველაშვილი ფორუმის საერთაშორისო ურთიერთობების მომავალი გახსნის ცერემონიაში მიიღებს მონაწილეობას და 50-ზე მეტი ქვეყნის ყოფილ და მოქმედ ლიდერებს სიტყვით მიმართავს.

"წლევანდელი ფორუმის მთავარი ამოცანაა, მსოფლიო ლიდერებმა ისაუბრონ ტრანსატლანტიკური ურთიერთობების მომავლისა და ისეთი გამოწვევების შესახებ, როგორიცაა მსოფლიო ტერორიზმის წინააღმდეგ ბრძოლა. ღონისძიების მთავარ განსახილველ საკითხებს შორის ასევე არის ევროპის მომავალი და პოპულიზმისა და ექსტრემიზმის საფრთხე საერთაშორისო უსაფრთხოებისათვის," - აღნიშნავენ პრესსამსახურში.

მათივე ინფორმაციით, საქართველოს პრეზიდენტი პირველ პანელზე რეგიონში არსებულ გამოწვევებზე, საქართველოს როლზე საერთაშორისო ურთიერთობებში და მის მნიშვნელობაზე ისაუბრებს.

საქართველოს პრეზიდენტის დელეგაციის შემადგენლობაში ადმინისტრაციის უფროსი - გიორგი აბაშიშვილი, ეროვნული უშიშროების საბჭოს მდივანი - დავით რაქვიაშვილი, საქართველოს პრეზიდენტის საგარეო ურთიერთობათა მდივანი - თენგიზ ფხალაძე და ეროვნული უშიშროების საბჭოს მდივნის მოადგილე - ივანე მაჭავარიანი არიან.