თბილისის მერის განცხადებით, 2017 წელს დადო პირობა, რომ ისეთი მერი იქნება, მასზე და მის პროექტებზე ილაპარაკებენ და ახლა ზუსტად ასე ხდება. კახა კალაძის განცხადებით, ოპოზიცია საკუთარი გეგმების ნაცვლად თბილისის მერზე საუბრობს.

"რამდენი კანდიდატია დასახელებული და საუბრობენ ყველაზე და ყველაფერზე, გარდა თბილისისა, გარდა მომავლისა, გარდა გამოწვევებისა და არსებული პრობლემისა, საუბრობენ ჩემზე. იმის მაგივრად, რომ თბილისელებს ესაუბრონ და ილაპარაკონ იმაზე, თუ რა აქვთ გასაკეთებელი და რის განხორციელებას აპირებენ, საუბრობენ ჩემზე. მაგრამ, ესეც ჩემი დაპირება იყო 2017 წელს, რომ ისეთი მერი ვიქნები-მეთქი, ისინი ილაპარაკებენ ყოველთვის ჩემზე და ჩემს განხორციელებულ პროექტებზე და ეს ასეა დღესაც", — განაცხადა კალაძემ.

ოპოზიციის კალაძეს ხშირად აკრიტიკებს თბილისთან დაკავშირებული პრობლემების გამო, ასევე, ადანაშაულებენ კორუფციასა და ნეპოტიზმში.