საქართველოს სოფლის მეურნეობის ყოფილი მინისტრი, დავით კირვალიძე საქართველოს პრემიერ-მინისტრის, გიორგი კვირიკაშვილის მრჩეველი გახდა. კვირიკაშვილმა ბრძანებას ხელი უკვე მოაწერა. ინფორმაციას ახალი მრჩევლის დანიშვნის შესახებ მთავრობის ადმინისტრაციის პრესსამსახური ავრცელებს.

მათივე ინფორმაციით, პრემიერ-მინისტრის ახალი მრჩეველი სოფლის მეურნეობის მეცნიერებათა დოქტორია. ის ორჯერ იყო საქართველოს სოფლის მეურნეობის მინისტრი და საქართველოს პარლამენტის აგრარულ საკითხთა კომიტეტის თავმჯდომარე.