იმუნოლოგ-ალერგოლოგ ბიძინა კულუმბეგოვის თქმით, ისეთი დაავადებების მქონე ადამიანებისთვის, როგორიცაა დიაბეტი, არტერიული წნევა, ინფარქტი, ასთმა და ა.შ., აცრა აუცილებელია, მაგრამ ამ ადამიანებს ყველაზე მეტად ეშინიათ აცრის. ამიტომაც, მისი თქმით, ამ ადამიანებთან საუბარი აუცილებელია.

"დიაბეტი, არტერიული წნევა, გადატანილი ინფარქტი, სტენტირება, შუნტირება, ასთმა — არცერთი მათგანი არ წარმოადგენს საფრთხეს. პირიქით, ამ ადამიანების აცრა აუცილებელია და ყველაზე მეტად ამ ადამიანებს ეშინიათ. აი, ამ ინფორმაციის გაფანტვას ვცდილობთ და თითოეული ადამიანთან მიტანას, მაგრამ ასე მარტივი არ არის. მე ასე მგონია, სახელმწიფომ უნდა უზრუნველყოს ის რომ, ავტორიტეტულ პირებს, ექიმებს მისცენ საშუალება, ადამიანებთან ახლოს მივიდეთ, მეტ გამოსავალს მე ვერ ვხედავ", — თქვა კულუმბეგოვმა ფორმულას ეთერში.

კითხვაზე, თუ რა შემთხვევაში არ შეიძლება აცრის გაკეთება, კულუმბეგოვი ამბობს, რომ ასეთი შემთხვევებია: მაღალი ტემპერატურა, კორონავირუსის გადატანიდან 30 დღე და, თუ პირველი დოზის გაკეთებისას გამოვლინდა უკურეაქცია, ანაფილაქცსიური შოკი.

გაიგე მეტი: