ლელომ 2021 წლის თვითმმართველობის არჩევნებისთვის თბილისის მაჟორიტარობის კანდიდატები წარადგინა.

  • მთაწმინდა — საბა ბუაძე;
  • ვაკე — მედეა მეტრეველი;
  • კრწანისი — თაზო დათუნაშვილი;
  • საბურთალო — ვატო სურგულაძე;
  • ისანი — ლანა გალდავა;
  • ნაძალადევი — ნიკოლოზ ჩერქეზიშვილი;
  • დიდუბე — დიმიტრი აბაშიძე;
  • სამგორი — გულიკო ზუმბაძე;
  • ჩუღურეთი — კახა ჟღენტი;
  • გლდანი — თამარ ადამია.

"ჩვენს ქვეყანას, ჩვენს ქალაქს, ოცნებების დრო წავიდა, მთავარია ახლა მთელი სულით და გულით ასეთი გუნდი, ასეთი ახალგაზრდები, ახალი სახეები, ადამიანები, რომლებმაც იციან საქმე, არიან პროფესიონალები, განათლებულები, სუფთა წარსულით, ასეთი გუნდი ქმნის განსხვავებას, ასეთ გუნდს შეუძლია მიაღწიოს მიზანს, უკომპრომისოდ ებრძოლონ იმ გამოწვევებს, იმ მახინჯ გამოწვევებს, რომელიც ჩვენი ქვეყნის ბოლო წლების განმავლობაში განსაკუთრებით დადგა თითოეული მოქალაქის წინაშე. ჩვენ ახალი გააზრება, ხედვა გვაქვს თბილისის", — განაცხადა მამუკა ხაზარაძემ.

საქართველოში თვითმმართველობის არჩევნები 2 ოქტომბერს იქნება. როგორც მმართველმა პარტიამ, ასევე, ოპოზიციური პარტიების ნაწილმა საკუთარი კანდიდატები ქვეყნის მასშტაბით უკვე წარადგინეს.