ზუგდიდის ყოფილი მერი, გეგა შენგელია საქართველოს პრემიერმინისტრს, ირაკლი ღარიბაშვილს მეგრულად პასუხობს და აცხადებს, რომ "მაზაკვალი ვინ არის და ვინ არა, ამას მეგრელები ოქტომბერში გადაწყვეტენ".

"სხვათაშორის, ბატონო ირაკლი, მეგრელებმა ვერ გაგიგეთ. ჩვენ, მეგრელები ისეთი ფასეულობების ხალხი ვართ, ჩვენთვის ჭორიკანა და ენა გადმოგდებული კაცი მიუღებელია და პატივისცემას არ იმსახურებს. არ ვიცი ეს ვინ გირჩიათ ან რატომ, მაგრამ გარემოცვა და კუთხე ნამდვილად შეგეშალათ! ამიტომ, მომავალში გაითვალისწინეთ რას და სად იტყვით, რომ ესეთ "ბოროდ" აღარ გამოჩნდეთ ამხელა აუდიტორიის წინაშე", — წერს ის Facebook-ზე.

დღეს მოქმედმა პრემიერმინისტრმა ყოფილი პრემიერმინისტრი სამეგრელოში მეგრულად გააკრიტიკა. ღარიბაშვილმა გახარიას "მოღალატე მაზაკვალი" უწოდა. სიტყვა "მაზაკვალის" მნიშვნელობა მიახლოებით არის დამთარსველი, ეშმაკი.

ზუგდიდის ყოფილი მერი, გეგა შენგელია გიორგი გახარიას პარტიას საქართველოსთვის 9 ივლისს შეუერთდა. ამის შესახებ მან Facebook-ზე დაწერა და ქართული ოცნება გააკრტიკა.