დღეს, მთავრობამ დაამტკიცა წესი, რომელიც განათლების ხარისხის განვითარების ცენტრს საშუალებას მისცემს გააფორმოს ხელშეკრულება საერთაშორისო აკრედიტატორებთან. ანუ ის ადამიანები, რომლებსაც უცხოური ატესტატები აქვთ ქართულ ეროვნულ გამოცდებში მონაწილეობას შეძლებენ.

ამის შესახებ მთავრობის სხდომის დასრულების შემდეგ ალექსანდრე ჯეჯელავამ განაცხადა:

"კანონში შევიდა ცვლილება რამდენიმე თვის წინ. ახლა დავამტკიცეთ წესი, რომელიც ხარისხის ცენტრს აძლევს საშუალებას გააფორმოს ხელშეკრულებები საერთაშორისო აკრედიტარორებთან. როგორც კი ცენტრი ამა თუ იმ საერთაშორისო აკრედიტატორთან მაგალითად IB (ინტერნეშენელ ბაკალავრიატ) პროგრამასთან გააფორმებს ხელშეკრულებას ამ მომენტიდან ფაქტიურად ის ატესტატები რომელიც იქნება გაცემული ამ პროგრამით მომუშავე სკოლების მიერ ჩაითვლება საკმარის წინაპირობად ქართული ეროვნული გამოცდების ჩასაბარებლად".

ჯეჯელავას თქმით, ამ პროცესს დაახლოებით ერთი-ორი თვე დასჭირდება გამოცდებზე რეგისტრაცია კი 31 მარტს სრულდება.