დაავადებათა კონტროლის ცენტრის დირექტორის, ამირან გამყრელიძის განცხადებით, დღევანდელი ეპიდსიტუაციის გათვალისწინებით, დაავადებათა კონტროლის ცენტრი დასწრებული სწავლის დაწყებასთან დაკავშირებით რეკომენდაციას ვერ გასცემს.

"დღეს რა ეპიდსიტუაციაც არის და რა მაჩვენებლებიც გვაქვს ჩვენ ეპიდსიტუაციისთვის დამახასიათებელი, რა თქმა უნდა, დაავადებათა კონტროლის ცენტრი რეკომენდაციას ვერ გასცემს დასწრებული სწავლის დაწყებასთან დაკავშირებით", — თქვა მან.

მისივე თქმით,იმისათვის, რომ რეკომენდაცია გაიცეს დასწრებულ სწავლებაზე, დადებითობის მაჩვენებელი უნდა ჩამოვიდეს 4%-ზე დაბლა და მასწავლებელთა და სკოლაში მომუშავე პერსონალთა 80% უნდა იყოს აცრილი.

"ჩვენ რამდენიმეჯერ ვთქვით, რომ დადებითობის მაჩვენებელი უნდა ჩამოვიდეს 4%-ზე დაბლა და მასწავლებელთა და სკოლაში მომუშავე პერსონალთა 80% უნდა იყოს აცრილი, რომ რეკომენდაცია გაიცეს დასწრებულ სწავლასთან დაკავშირებით", — ამბობს გამყრელიძე.