Khulo Lag — ხულოს ადგილობრივი განვითარების ჯგუფის ინფორმაციით, ხულოში ახალგაზრდებმა ვაქციანციის საინფორმაციო კამპანია დაიწყეს. ამის შესახებ ორგანიზაცია ოფიციალურ Facebook გვერდზე წერს.

"მოხალისეები ყოველდღიურად შეხვდებიან მოსახლეობას და დაარწმუნებენ, რომ ვაქცინა არის ერთადერთი საშუალება პანდემიის დასასრულებლად. შემოგვიერთდით და ერთად დავამსხვრიოთ მითები", — წერია განცხადებაში.

New York Times კორონავირუსის ბოლო 1 კვირის მაჩვენებლების საფუძველზე წერს, რომ 100 000 მოსახლეზე ვირუსის გავრცელებისა და სიკვდილიანობის მაჩვენებლით საქართველო მსოფლიოში პირველ ადგილზეა.

ამ პერიოდში ახალი ინფიცირების საშუალო მაჩვენებელი 4 908-ია და 100 000 სულ მოსახლეზე 132 ახალ შემთხვევას გულისხმობს. ხოლო დღეში საშუალოდ სიკვდილიანობა 46,9-ია, რაც 100 000 სულ მოსახლეზე 1,26-ია.

ბოლო 24 საათში საქართველოში კორონავირუსით 74 ადამიანი გარდაიცვალა. პანდემიის დაწყებიდან დღემდე ეს სიკვდილიანობის ყველაზე მაღალი მაჩვენებელია. ამასთან, დადასტურდა 4 901 ახალი შემთხვევა, ხოლო გამოჯანმრთელდა 2 586 პირი.