დიდი გამბედაობა უნდა ისეთ წიგნზე აუგის თქმას, რომელიც საქვეყნოდაა ცნობილი: თუ უცებ რომელიმე კლასიკური ნაწარმოები ან ბევრსითვის საყვარელი თხზულება არ მოგეწონა, ამაში თითქოს აუცილებლად საკუთარი თავი უნდა დაიდანაშაულო და არა — კონკრეტული წიგნის ავტორი.

თუმცა, ვიღაცები შესაფერისი არგუმენტებით თუ მათ გარეშე მაინც "ბედავენ", ის წიგნები დაიწუნონ, რომლებიც მთელ მსოფლიოშია აღიარებული. ამის მაგალითად პლატფორმა Goodreads-დან, სადაც ლიტერატურის მოყვარულები ერთმანეთს შთაბეჭდილებებს უცვლიან, რამდენიმე გამორჩეულად სასაცილო შეფასებას გთავაზობთ, თუ რატომ არ მოეწონათ ლიტერატურულ შედევრად მიჩნეული ან საერთაშორისო ბესტსელერად ქცეული წიგნები.

ვინ იცის, იქნებ მათ გაუგოთ კიდეც...

1. ბიბლია

ფოტო: HatersOfGoodreads / Facebook

"ჩემთვის ზედმეტად ბევრი სექსი და ძალადობა იყო".

2. ჟან-ჟაკ რუსოს სოციალური კონტრაქტი

ფოტო: HatersOfGoodreads / Facebook / Goodreads

"სინამდვილეში, ეს წიგნი არ წამიკითხავს, მაგრამ ჩემი ყოფილი ბოსი, რომელიც მძულს, სულ აქებდა, ამიტომ ახლა ეს წიგნიც მძულს".

3. ფრანც კაფკას მეტამორფოზა

ფოტო: HatersOfGoodreads / Facebook / Goodreads

"რა ყ*ეობაა".

4. ჩაკ პალანიკის მებრძოლთა კლუბი

ფოტო: HatersOfGoodreads / Facebook / Goodreads

"ამ კაცს ფსიქოთერაპია სჭირდება".

5. სტეფანი მეიერის ბინდი

ფოტო: HatersOfGoodreads / Facebook / Goodreads

"კედელზე ერთი საათით მიშტერება უფრო საინტერესო იქნება, ვიდრე ამ წიგნის წაკითხვა".

6. ჰერმან მელვილის მობი დიკი

ფოტო: HatersOfGoodreads / Facebook / Goodreads

"როგორ შეიძლება ასეთი მშრალი იყოს წიგნი, რომლის ლამის მთელი სიუჟეტი ოკეანეში ვითარდება".

7. ჰარუკი მურაკამის 1Q84

ფოტო: HatersOfGoodreads / Facebook / Goodreads

"იმდენად სულელური წიგნია, რომ მისი სახელწოდება IQ84 უნდა იყოს".

8. კარლ მარქსის კაპიტალი

ფოტო: HatersOfGoodreads / Facebook / Goodreads

"ყოველი სიტყვის წაკითხვისას თავის ჩამოხრჩობა მინდებოდა".

9. ფრიდრიხ ნიცშეს ბოროტებასა და სიკეთეს მიღმა

ფოტო: HatersOfGoodreads / Facebook / Goodreads

"ერთ ვარსკვლავსაც არ იმსახურებს, მაგრამ იყოს, ჰა. 2017 წელს რომ ეცხოვრა, 'მძ*ეველა ვაჟიშვილი' იქნებოდა".

10. ფიოდორ დოსტოევსკის დანაშაული და სასჯელი

ფოტო: HatersOfGoodreads / Facebook / Goodreads

"ამ წიგნის დაწერა დანაშაული იყო, წაკითხვა კი — სასჯელი".