ემა სტოუნი ანიმაციებისა და კინოსამყაროს ერთ-ერთი ყველაზე გამორჩეული ანტიგმირის როლს კიდევ ერთხელ მოირგებს.

ოფიციალურად დადასტურდა, რომ დისნეიმ ოსკაროსან მსახიობთან შეთანხმებას მიაღწია და ემა სტოუნი ფილმის კრუელა გაგრძელებაში კვლავ მთავარ როლს შეასრულებს.

კრუელა 2021 წლის ერთ-ერთი ყველაზე წარმატებული ფილმი გამოდგა, რომელმაც მაყურებლებისა და კრიტიკოსების მოლოდინები გაამართლა: საკულტო ანიმაციის 101 დალმატინელი პრიქველმა მეტწილად დადებითი შეფასებები დაიმსახურა, მისმა შემოსავლებმა კი 220 მილიონ დოლარს გადააჭარბა, რაც პანდემიის პერიოდში საკმაოდ ნაყოფიერი შედეგია.

კრუელა — 10 მიზეზი, თუ რატომ უნდა ნახოთ დისნეის ახალი ფილმი

დისნეის ამ ახალი ფილმის გამოსვლიდან მალევე გახდა ცნობილი, რომ რეჟისორი კრეიგ გილეპსი უკვე გაგრძელებაზე მუშაობას იწყებდა, თუმცა სხვა დეტალები ჯერ ცნობილი არ იყო.

რადგანაც ახლა ვიცით, რომ ისევ ემა სტოუნი გააცოცხლებს კრუელა დე ვილს, შეგვიძლია, უფრო მშვიდად და მეტი მოლოდინებით დაველოდოთ შემდეგ ნაწილს.

ფოტო: Disney