ჯანდაცვის მინისტრის, ეკატერინე ტიკარაძის თქმით, კოვიდინფიცირებულმა ორსული ქალი, რომელმაც ნაყოფი დაკარგა, ამ დროისთვის თბილისშია გადაყვანილი.

"ამ ორსულის უსაფრთხო ტრანსპორტირებაში ჩართული ვიყავით პირადად მე, ჩემი მოადგილე და რა თქმა უნდა, სასწრაფო დახმარების უფროსიც. მისი გადაყვანა მოხერხდა თბილისის სხვა საავადმყოფოში, სადაც განაგრძობს შესაფერის მკურნალობას", — განაცხადა ჯანდაცვის მინისტრმა.

დღეს ცნობილი გახდა, რომ კოვიდინფიცირებულმა ორსულმა, რომელიც კლინიკა ბომონდში მკურნალობს, ნაყოფი დაკარგა. ქალი თავდაპირველად ბათუმში მკურნალობდა, თუმცა ხელწერილის საფუძველზე ის სახლში გაწერეს. ამის შემდეგ, სასწრაფომ პაციენტი ქუთაისში, კლინიკა ბომონდიში მძიმე მდგომარეობაში გადაიყვანა.