ლიეტუვის პრეზიდენტი, გიტანას ნაუსედა აცხადებს, რომ ოფიციალური მოსკოვის აგრესიული ქცევები უფრო ინტენსიური ხდება და იხვეწება. ასე გამოეხმაურა იგი 2008 წლის აგვისტოს ომის 13 წლისთავს.

"13 წელი გავიდა რუსეთის მიერ საქართველოს წინააღმდეგ წარმოებული ომიდან. საქართველომ დაკარგა თავისი ტერიტორიების 20%. მცოცავი ანექსია გრძელდება. ჩვენ ვხედავთ მოსკოვის იგივე აგრესიულ ქცევებს, რომლებიც იზრდება, უფრო ინტენსიური ხდება, გეოგრაფიულად ფართოვდება და იხვეწება. ეს უნდა შეწყდეს, ჩვენ უკვე გვესმის ზარების საკმარისი ხმა, რომ გამოვფხიზლდეთ", — წელს ნაუსედა ტვიტერის ოფიციალურ გვერდზე.

2008 წლის ომის დაწყებიდან 13 წელი გავიდა, თუმცა რუსეთი დღემდე არღვევს სუვერენული სახელმწიფოს საზღვრებს, იტაცებს ხალხს და ცივი ომის პირობებში აცხოვრებს საქართველოს.

2021 წლის 21 იანვარს ადამიანის უფლებათა ევროპული სასამართლომ საქართველოს ყველა ძირითადი სარჩელი დააკმაყოფილა. კერძოდ, სტრასბურგის სასამართლო გაიზიარა საქართველოს პოზიცია და ქართველი სამხედრო ტყვეებისა და სამოქალაქო პირების მიმართ ჩადენილი წამების, არაადამიანური და ღირსების შემლახველი მოპყრობისთვის (კონვენციის მე-3 მუხლი) რუსეთი დაადანაშაულა. ასევე, სასამართლოს დიდმა პალატამ, კონვენციის მე-4 მუხლის შესაბამისად, რაც სიცოცხლის უფლებას გულისხმობს, ომის დროს საქართველოს მოქალაქეთა მკვლელობების გამოუძიებლობისთვის რუსეთის პასუხისმგებლობა დაადგინა.

აგვისტოს ომმა 400-ზე მეტი ადამიანის სიცოცხლე იმსხვერპლა, მათ შორი 170 სამხედრო მოსამსახურე იყო. ჯანდაცვის სამინისტროს მონაცემებით, ომში დაიჭრა/დაშავდა 2 232 პირი, მათგან 1 045 სამხედრო მოსამსახურე.