საქართველოს განათლებისა და მეცნიერების სამინისტრო ავრცელებს ინფორმაციას, რომ ცნობილი ქართველი ენათმეცნიერი და ფილოლოგი მზექალა შანიძე სიმონ ხეჩინაშვილის სახელობის საუნივერსიტეტო კლინიკაში ფაიზერის ვაქცინით აიცრა.

სამინისტრომ ფეისბუქის ოფიციალურ გვერდზე გამოაქვეყნა ამ 95 წლის აკადემიკოსის კომენტარიც ვაქცინაციასთან დაკავშირებით:

"კაცობრიობამ მედიცინის გზით არაერთი პანდემია დაამარცხა. მიმაჩნია, რომ აცრა არის ერთადერთი გამოსავალი, თავი დავიცვათ პანდემიისგან.

კოვიდი ჩვენთვის, როგორც მცირერიცხოვანი ერისათვის, ძალიან საშიშია. ჩვენ უნდა გავუფრთხილდეთ ერთმანეთის სიცოცხლეს", — ამბობს მზექალა შანიძე.

4 აგვისტოს მონაცემებით, საქართველოში კორონავირუსის 4 233 ახალი შემთხვევა დადასტურდა, გამოჯანმრთელდა 1 934, ხოლო გარდაიცვალა — 38 ადამიანი.

პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 432 903-ს, ჯამში გამოჯანმრთელებულთა რაოდენობა გაიზარდა 390 827-მდე, ხოლო ვირუსს ჯამში 5 948 პირი ემსხვერპლა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: