თბილისის მერობის კანდიდატის, კახა კალაძის განცხადებით, მაჰათმა განდის ძეგლს სათვალე მოჰპარეს. ამის შესახებ მან თბილისის მუნიციპალიტეტის მთავრობის სხდომაზე ისაუბრა.

"სამწუხაროდ, ძეგლი უკვე დაზიანებულია, მოხსნილია სათვალე, ძეგლს მოპარეს სათვალე, არ ვიცი, რა უნდა ვთქვა ამაზე. რა თქმა უნდა, არის სხვა ფაქტები, არ დავიწყებ ჩამოთვლას, მაგრამ ძალიან სამწუხაროა ეს ყველაფერი.

რთულია, მისცე ამ ყველაფერს შეფასება და კიდევ უფრო ძნელია იმის გააზრება, რომ ხშირად ვანდალიზმის ჩამდენი პირები არიან მოზარდები და მათ აგრესიულ ქცევას, ვანადლიზმს მშვიდად ადევნებენ თვალს უფროსები, რაც ძალიან მძიმეა", — განაცხადა მან.

10 ივლისს, ინდოეთის საგარეო საქმეთა მინისტრის საქართველოში ვიზიტის ფარგლებში, თბილისში მაჰათმა განდის ძეგლი გაიხსნა, რაც განდის 150 წლის იუბილეს ეძღვნებოდა. ძეგლი, რომლის ავტორია ინდოელი მოქანდაკე გაუტამ პალი, საქართველოს ინდოეთის მხრიდან საჩუქრად გადმოეცა.