კალიფორნიის ყოფილი გუბერნატორი არნოლდ შვარცენეგერი ბოლო პერიოდში დონალდ ტრამპის პოლიტიკას ხშირად აკრიტიკებს.

მაგალითად, ის ტრამპის ახალი კანონის წინააღმდეგ აქტიურად გამოდიოდა, რომლის მიხედვითაც მუსლიმური ქვეყნის მოქალაქეებს აშშ-ში შესვლა ეკრძალებათ. შვარცენეგერი ამბობდა რომ ეს სიგიჟეა და ამერიკას იდიოტების ქვეყნად წარმოაჩენს.

"ჩვენ არასწორად არჩეული პრეზიდენტი გვყავს. ეს დიდი შეცდომაა. ტრამპი უამრავ გიჟურ გადაწყვეტილებას იღებს, რაც ყველაფერზე უარყოფითად აისახება. დროა, ეს ანომალია შევაჩეროთ", ამბობს არნოლდ შვარცენეგერი.

როგორც შვარცენეგერის პრესმდივანმა დენიელ კეტჩელმა თქვა, არნოლდი მზად არის მისი მთელი დრო და ენერგია პოლიტიკას დაახარჯოს და მზად არის 2018 წელს კალიფორნიის სენატორობაზე საკუთარი კანდიდატურა წამოაყენოს.