მაცივარი ის საოჯახო ნივთია, რომელიც თითქმის ყველა ოჯახში მოიპოვება. საკვების ხანგრძლივად შენახვის ეს შეუცვლელი საშუალება ხომ ცხოვრებას გვიმარტივებს. მაცივრების გაყიდვა საუკუნეზე მეტია დაიწყეს და ამ პერიოდის განმავლობაში მნიშვნელოვნად შეიცვალა მისი ვიზუალი თუ ტექნიკური მახასიათებლები.

ამ სტატიაში მაცივრების შესახებ 5 საინტერესო, ახალ ფაქტს წაიკითხავთ.

1. ძველად მაცივრებს საყინულე არ ჰქონდათ

ფოტო: LG Electronics

მაცივრების გაყიდვა1862 წელს დაიწყეს, საყინულე კი, რომელიც ახლა მაცივარშია ჩაშენებული, თითქმის 1 საუკუნის შემდეგ, 1939 წელს გამოიგონეს. პირველ მაცივრებზე ისიც უნდა იცოდეთ, რომ ისინი თითქმის 5 ტონას იწონიდნენ და სახლში დადგმა ფაქტობრივად შეუძლებელი იყო.

2. ყველაზე დიდი "მაცივრის" სიგრძე 27 კილომეტრია

ფოტო: Mako Air

ყველაზე დიდი "მაცივარი" 27 კილომეტრის სიგრძის არის და შვეიცარია-საფრანგეთის საზღვარზე მდებარეობს. ის ადრონულ კოლაიდერშია განთავსებული და გაგრილებისთვის 10 ათას ტონა თხევად აზოტს იყენებს.

3. ყველაზე ძვირადღირებული მაცივარი $41 ათასი ღირს

ფოტო: Robeys

ყველაზე ძვირადღირებული მაცივრის მოდელი იტალიურ ბრენდს ეკუთვნის. La Cambusa $41 ათასი ღირს და ისეთი დანამატები მოყვება, როგორიც ორთქლის ღუმელი და ჩაშენებული ყავის აპარატია.

4. მაცივრის მაგნიტებით შეგიძლიათ გინესის რეკორდსმენი გახდეთ

ფოტო: Mako Air

ნევადელი ლუიზ გრინფარბი გინესის რეკორდსმენია, რაც მაცივრის მაგნიტების სიყვარულმა განაპირობა. აშშ-ის მოქალაქეს 45 ათასზე მეტი მაგნიტი მოეპოვება, რომლებსაც გასული საუკუნის 70-იანი წლებიდან აგროვებდა. ლუიზს მაგნიტები სახლში და ლას ვეგასში მდებარე მუზეუმშიც კი აქვს გამოფენილი.

5. ალბერტ აინშტაინს მაცივრის გამოგონებაშიც მიუძღვის წვლილი

ფოტო: Getty Images

ალბერტ აინშტაინის მიღწევებზე საუბრისას მაცივარი ალბათ არავის გვახსენდება, მაგრამ მან ამ საოჯახო ნივთის გამოგონებაში უდიდესი როლი შეასრულა. სწორედ ამ დიდი ფიზიკოსის დამსახურებით შექმნილ მაცივარში გამოირიცხა ტოქსინების გამოყოფის ალბათობა.

ალტა კომპიუტერული და საოჯახო ტექნიკის ერთ-ერთი უმსხვილესი მაღაზიაა, რომელიც მსოფლიოს წამყვან ბრენდებთან პარტნიორობს და მომხმარებელს ათასობით პროდუქტს სთავაზობს. აქ მაცივრების დიდი არჩევანი დაგხვდებათ.