ქართული ოცნება ოპოზიციას მოუწოდებს მონაწილეობა მიიღოს 2020 წლის საპარლამენტო არჩევნების შემსწავლელი საგამოძიებო კომისიის დასკვნის განხილვაში. კომისია დასკვნას ორშაბათს, 26 ივლისს, პლენარულ სხდომაზე წარადგენს.

"მოვუწოდებთ ყველა ოპოზიციურ პარტიას, დაესწრონ პლენარულ სხდომას და მონაწილეობა მიიღონ დასკვნის განხილვაში. თუ კვლავაც მიგაჩნიათ, რომ პარლამენტის მრავალთვიან საბოტაჟს, რომელმაც დააზიანა ქვეყნის ინტერესები, ჰქონდა ლეგიტიმური საფუძველი, ნუ გაექცევით დისკუსიას და სცადეთ თქვენი სიმართლის დამტკიცება", — ვკითხულობთ მმართველი პარტიის განცხადებაში.

ქართულ ოცნებაში აცხადებენ, რომ სხდომაში არმონაწილეობა შეფასდება დისკუსიისგან თავის არიდებისა და პასუხისმგებლობისგან გაქცევის მცდელობად.

გაიგე მეტი: