ქალთა საერთაშორისო დღეს უოლ სტრიტზე საინტერესო ფაქტი დააფიქსირდა. მოქალაქეების ყურადღებას - არა ბრინჯაოს ხარი, რომელიც წლებია აქ დგას, არამედ გოგოს ქანდაკება იქცევდა, რომელიც მის წინ უშიშრად უდგას.

ფოტო: REUTERS/Brendan McDermid

როგორც მოგვიანებით გაირკვა, უშიშარი გოგოს ქანდაკება ფინანსურ კორპორაციებში გენდერული მრავალფეროვნების არარსებობის გასაპროტესტებლად დაიდგა. ქანდაკება კომპანია State Street Global Advisors-ის ინიციატივით დაიდგა.

"გენდერული მრავალფეროვნების შესახებ ბევრი ადამიანი საუბრობს, მაგრამ უკვე დროა ამაზე უფრო მეტად გავამახვილოთ ყურადღება. დღეს ჩვენ კომპანიებს კონკრეტული ნაბიჯების გადადგმისკენ მოვუწოდებთ, გაზარდონ ქალების რაოდენობა მათ შტატში," ამბობს Street Global-ის სპიკერი ენ მაკნეილი.

ჯერ-ჯერობით უცნობია რამდენი ხანი დარჩება გოგონას ქანდაკება უოლ სტრიტზე.

"ჯერ-ჯერობით ქანდაკება ერთი თვით დარჩება, თუმცა თუ მოსახლეობა გადაწყვეტს ის სამუდამოდ აქ დარჩენას ჩვენ რა თქმა უნდა თანახმა ვართ", - თქვა მაკნეილიმ.