ბათუმში, კაფეს დაცვის თანამშრომლის მკვლელობაში ბრალდებული პოლიციამ დააკავა. დაკავების დროს ის ერთ-ერთი საცხოვრებელი კორპუსის მეორე სართულიდან გადახტა, თუმცა მაშველებმა მისი გადარჩენა შეძლეს. არსებული ინფორმაციით, ის მეორე სართულიდან გაქცევის მიზნით გადახტა.

შინაგან საქმეთა სამინისტროს ცნობით, გამოძიებით დადგინდა, რომ ბრალდებულმა ურთიერთშელაპარაკებისას, ბათუმში მდებარე ერთ-ერთი კაფე-ბარის დაცვის თანამშრომელი — 1964 წელს დაბადებული ჯ.ბ., ამავე ობიექტის ტერიტორიაზე, ცივი იარაღის გამოყენებით სასიკვდილოდ დაჭრა და შემთხვევის ადგილიდან მიიმალა.

ძველი ბულვარის ტერიტორიაზე კაცი წუხელ, გვიან ღამით მოკლეს.

შსს-ს ინფორმაციით, მომხდარზე გამოძიება საქმე სისხლის სამართლის კოდექსის 108 მუხლით დაიწყო, რაც განზრახ მკვლელობას გულისხმობს. დანაშაული 7-დან 15 წლამდე ვადით თავისუფლების აღკვეთას ითვალისწინებს.