ორშაბათს ღამით ბრაკონიერები პარიზთან ახლოს მდებარე ველური ბუნების ნაკრძალში შეიჭრნენ. მათ ჯერ ესროლეს ნაკრძალში მობინადრე მარტორქას, შემდეგ კი ერთი რქა მოაჭრეს, რის შედეგადაც 4 წლის მამალი მარტორქა გარდაიცვალა.

"მათ ვინსი მოკლეს, რომ მისი რქები მოეჭრათ და წაეღოთ. სავარაუდოდ ელექტრო ხერხით. ერთი რქა წაიღეს და მეორე ნახევრადაა მოჭრილი, რაც ტოვებს შთაბეჭდილებას, რომ დამნაშავეები შეწუხდნენ ან მათი აღჭურვილობა გაუმართავი იყო" - წერია ნაკრძალის მიერ გამოქვეყნებულ პოსტში.

ორმა მარტორქამ, სახელად გრაციამ და ბრუნომ, გაქცევა მოასწრეს და ისინი დაშავებულები არ არიან.

CNN-ის ინფორმაციით, მარტორქა მისმა მომვლელმა აღმოაჩინა.

მოკლული ცხოველი მარტორქისებრთა 5 სახეობიდან თეთრი მარტორქის წარმომადგენელია და გადაშენების პირას მყოფთა ჯგუფში შედის.

ადამიანების ნაწილი მიიჩნევს, რომ მარტორქების რქა სამკურნალოა. 2015 წელს მარტორქის 1 კილოგრამი რქა 51 ათას ევროდ გაიყიდა.