ჯანდაცვის მინისტრის მოადგილის, თამარ გაბუნიას განცხადებით, სკოლებში დისტანციურ რეჟიმში სწავლის გაგრძელება გამოსავალი არ არის. მისი თქმით, გადაწყვეტა ვაქცინაციაა. ამის შესახებ მან საკოორდინაციო საბჭოს წევრების ბრიფინგზე ისაუბრა.

"ჩემი პირადად და ჯანდაცვის სამინისტროს მთავარი რეკომენდაცია არის ის, რომ ივლისის და აგვისტოს თვე, დარჩენილი პერიოდი სკოლის კოლექტივმა გამოიყენოს აქტიური ვაქცინაციისთვის, იმისთვის, რომ სკოლები დახვდეს სასწავლო წელს უსაფრთხო გარემოში. დღეს შეზღუდვა გამოსავალი სკოლის პირობებში არ არის, არც დისტანციური სწავლა არ არის გადაწყვეტა ამ პრობლემის, გადაწყვეტა არის ვაქცინაცია და ამდენად, თხოვნა მექნება ყველასთვის, ვინც დაკავებულია სასკოლო გარემოში სწავლებით ან მუშაობით მიმართოს ვაქცინაციის ცენტრს", — განაცხადა მან.

20 ივლისის მონაცემებით, საქართველოში კორონავირუსის 2 616 ახალი შემთხვევა დადასტურდა, გამოჯანმრთელდა 880, ხოლო გარდაიცვალა — 26 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: