ცნობილი გამოცემის, Sports Illustrated Swimsuit-ის ახალი ნომერი განსაკუთრებულია: გამოცემის ისტორიაში პირველად ყდაზე ტრანსგენდერი მოდელია გამოსახული. აღსანიშნავია, რომ ლეინა ბლუმი პირველი ფერადკანიანი მოდელიცაა, რომელიც გამოცემის ყდაზე მოხვდა.

ლეინა ბლუმი ვალენტინა სამპაიოს კვალს გაჰყვა, რომელიც ცოტა ხნის წინ Sports Illustrated-ის პირველი ტრანსგენდერი მოდელი გახდა. ამ ისტორიულ მომენტს, რა თქმა უნდა, თავად ლეინაც გამოეხმაურა და გულშემატკივრებს ემოციები ინსტაგრამ პოსტში გაუზიარა.

"ამ მომენტმა სამყაროში უამრავი ტკივილი განკურნა. ჩვენ ვიმსახურებთ ამ მომენტს. ჩვენ მილიონობით წელია ვიცდიდით, რომ გადარჩენილებად წარვმსდგარიყავით და საზოგადოებას როგორც სასწაულებით სავსე სრულფასოვანი ადამიანები, ისე დავენახეთ. ძალიან მიხარია და ჩემთვის უდიდესი პატივია გაგიზიაროთ, რომ პირველი ტრანსგენდერი ქალი ვარ, რომელიც Sports Illustrated-ის ყდას დაამშვენებს", — წერს ლეინა.

ლეინამ საკუთარ პოსტში მადლობა უამრავ ადამიანს გადაუხადა და აღნიშნა, რომ ამ გამარჯვებას ტრანსგენდერ ქალებს უძღვნიდა.

"მილიონობით მშვენიერი ოცნება მქონია, თუმცა ჩემნაირი გოგონებისთვის ოცნებების უმეტესობა უბრალოდ არარეალური იმედია იმ სამყაროში, რომელიც ისტორიიდან და სამყაროდან ჩვენს არსებობას შლის...იმედი მაქვს, რომ ჩემი ყდა გააძლიერებს მათ, ვინც ცდილობს, სხვებმა დაინახონ და დააფასონ", — წერს ლეინა.