ფოტო: პირველი კადრები დისნეის ახალი მერი პოპინსიდან

თუ თქვენ ალუბლების ქუჩასა და სახლ ნომერ 17-ს ეძებთ, სწორ ადგილას მოხვდით. სახლის ამჟამინდელი მეპატრონეები მისტერ და მისის ბენქსები არიან, მათი ბავშვების ძიძას, მერი პოპინსს კი მთელი მსოფლიო იცნობს.

საიდან გაჩნდა ალუბლების ქუჩაზე მდებარე სახლში მსოფლიოს ყველაზე საყვარელი ძიძა, არავინ იცის. სავარაუდოდ, ეს უცნაური ქალბატონი აღმოსავლეთის ქარს გამოჰყვა.

მერი პოპინსზე დაწერილმა ისტორიამ კინოეკრანზე 1964 წელს გადაინაცვლა, ეკრანიზაციამ ოსკარის 13 ნომინაცია და 5 ჯილდო დაიმსახურა.

2018 წელს კი რეჟისორი რობ მარშალი დისნეისთან ერთად ფილმის ახალი ვერსიას დაასრულებს. პრინციპში, ახალ ვერსიაზე მეტად, ეს ისტორიის გაგრძელებაა.

მერი პოპინსი ბრუნდება - ასე ერქმევა ფილმს, რომელშიც მერი პოპინსის როლს მსახიობი ემილი ბლანტი ასრულებს. რამდენიმე დღის წინ გადასაღები მოედნიდან პირველი ფოტო გავრცელდა.