შინაგან საქმეთა სამინისტრომ მკვლელობის, დამამძიმებელ გარემოებებში მკვლელობის მცდელობისა და განსაკუთრებით მძიმე დანაშაულის შეუტყობინებლობის ბრალდებით ორი პირი დააკავა.

უწყების ინფორმაციით, ქ. რუსთავში, თოდრიას ქუჩაზე, 20 წლის პირმა ურთიერთშელაპარაკებისას ცივი იარაღით ორი ადამიანი დაჭრა და მიიმალა. ერთ-ერთი საავადმყოფოში მიყვანისთანავე გარდაიცვალა, მეორეს კი შესაბამისი მკურნალობა უტარდება. დაკავებულია მეორე პირიც, რომელიც, შსს-ს ცნობით, შემთხვევის ადგილზე იმყოფებოდა, თუმცა დანაშაული პოლიციას არ შეატყობინა და ისიც მიიმალა.

"განზრახ მკვლელობის, ასევე, ორი ან მეტი პირის მიმართ დამამძიმებელ გარემოებაში ჩადენილ განზრახ მკვლელობის მცდელობისა და განსაკუთრებით მძიმე დანაშაულის შეუტყობინებლობის ფაქტებზე გამოძიება საქართველოს სსკ-ის 108-ე, 19-109-ე მუხლებითა და 376-ე მუხლის მეორე ნაწილით მიმდინარეობს", — ვკითხულობთ შსს-ს მიერ გავრცლეებულ განცხადებაში.