ჟურნალისტებმა 5-6 ივლისს მათზე განხორციელებული ძალადობა გააპროტესტეს
მედიის წარმომადგენლები უსაფრთხო სამუშაო გარემოს მოთხოვნით მთავრობის კანცელარიასთან შეიკრიბნენ. მათ 5-6 ივლისს, ჰომოფობიური და ძალადობრივი ჯგუფების მიერ ჟურნალისტებზე, ოპერატორებსა და ფოტოგრაფებზე თავდასხმები გააპროტესტეს.
აქციის ორგანიზატორი ჟურნალისტური ეთიკის ქარტია იყო. ქარტიის მოთხოვნებია, შსს-მ აიღოს პოლიტიკური პასუხისმგებლობა მედიის წარმომადგენლებზე ძალადობის ფაქტებზე, დროულად და ეფექტიანად გამოიძიონ 5 ივლისს დაშავებულების საქმე და შესაბამისი პირები მიეცენ პასუხისგებაში.
"პირველ რიგში, ჩვენ გვინდა, რომ სოლიდარობა გამოვუცხადოთ 5-6 ივლისის მოვლენების შედეგად დაზარალებულ ჟურნალისტებს, ვისაც მიაყენეს ფიზიკური და სიტყვიერი შეურაცხყოფა, იღებდნენ სიძულვილის ენის და მუქარის შემცველ წერილებს.
ასევე, გვინდა გავაკეთოთ მოწოდება ხელისუფლებისთვის, შევახსენოთ და ავუხსნათ, რომ სწორედ ისინი არიან პასუხისმგებლები მედიის უსაფრთხოებაზე", — განაცხადა მარიამ გოგოსაშვილმა, ჟურნალისტური ეთიკის ქარტიის დირექტორმა.
ჟურნალისტები ხაზს უსვამდნენ მთავრობის პასუხისმგებლობას და აცხადებდნენ, რომ ძალადობრივი კონტრაქციის დროს შინაგან საქმეთა სამინისტრომ არ გამოიყვანა საკმარისი რაოდენობის პოლიციელი, შესაბამისად, ვერ უზრუნველყო მედიის წარმომადგენლების დაცვა ძალადობისგან.
"ბოლო მოვლენების შემდეგ შევიკრიბეთ, რომ დავიცვათ ჩვენი უფლებები და რაც მთავარია, ხელისუფლებას მოვთხოვოთ, რომ აიღონ პოლიტიკური პასუხისმგებლობა იმ ძალადობაზე, რაც ხდება მედის წარმომადგენლების წინააღმდეგ, გამოიძიონ და უმკაცრესად დასაჯონ კანონის თანახმად ის ადამიანები, მოძალადეები. იმიტომ, რომ წარმოუდგენელი რაოდენობა არის ერთი დღის განმავლობაში დაშავებული ჟურნალისტების", — განაცხადა ნესტან ცეცხლაძემ, Netgazeti-ს მთავარმა რედაქტორმა.
"დღევანდელი აქციის მიზანია ხელისუფლებას მოვთხოვოთ, რომ დასაჯოს მოძალადეები და რაც მთავარია, ძალადობა აღკვეთოს. აქციებზე, სადაც ჟურნალისტები ვმუშაობთ, პოლიციამ უნდა იმოქმედოს შესაბამისად, რომ ჩვენ არ შეგვექმნას საფრთხე ჯანმრთელობის და არ გვისწორდებოდნენ ფიზიკურად. პოლიცია არ უნდა იყოს უმოქმედო. ხელისუფლება, როცა პირდაპირ ეთერში უყურებს ამ ყველაფერს, არ უნდა იჯდეს თბილად და არ უნდა ელოდებოდეს, როდის დაასახიჩრებენ ჟურნალისტებს", — განაცხადა ხატია ღოღობერიძემ, On.ge-ს მთავარმა რედაქტორმა.
"აქ მოსვლის მიზანი და მიზეზი არის ერთადერთი, რომ 5 ივლისს განვითარებული მოვლენების დროს ჟურნალისტებს საერთოდ არ გვქონია იმის განცდა, რომ ვინმე გვიცავს იქ. ვიყავით აბსოლუტურად პირისპირ ადამიანებთან, რომლებიც ძალადობდნენ. ვხედავდით, ჩვენი კოლეგები რა დღეში იყვნენ და იმასთან ერთად, რომ გვქონდა უსუსურობის განცდა, რომ ვეხმარებოდით, ასევე გვქონდა იმის განცდა, რომ შემდეგი შეიძლებოდა ვყოფილიყავით ჩვენ", — აცხადებს მინდია გაბოძე, პუბლიკას ჟურნალისტი და ფოტოგრაფი.
ჰომოფობიური და ძალადობრივი ჯგუფების თავდასხმის შედეგად 5-6 ივლისს 50-ზე მეტი ჟურნალისტი დაშავდა. 5 ივლისს დღის განმავლობაში პოლიციას არავინ დაუკავებია. კონტრაქციაზე მობილიზებული იყო არასაკმარისი სამართალდამცავი და პოლიციელებს ტერიტორიიდან გაჰყავდათ არა მოძალადეები, არამედ ჟურნალისტები. დღის ბოლოს შსს-მ თქვა, რომ დაკავებული იყო მხოლოდ 8 პირი და ყველა მათგანი ადმინისტრაციული წესით. 6 ივლისს ცნობილი გახდა სამი ადამიანის დაკავების შესახებ, ხოლო 7 ივლისს კიდევ 4 ადამიანი დააკავეს. მათ ედავებიან სისხლის სამართლის კოდექსით გათვალისწინებულ დანაშაულებს: ძალადობასა და ჟურნალისტის საქმიანობაში ხელის შეშლას.
6 ივლისის აქციაზე პოლიცია მოძალადეებს აქტიურად აკავებდა, თუმცა ისინი მშვიდობიანი აქციის მიმართულებით კვერცხებს, ქვებს, ქვებით სავსე ბოთლებს, რკინის ნაჭრებს, შუშებს და სხვა ნივთებს ისროდნენ. დაშავებულია რამდენიმე პოლიციელიც. ჯამში 6 ივლისის ღამეს შსს-მ ადმინისტრაციული წესით 100 ადამიანი დააკავეა, დილით 68 ხელწერილის საფუძველზე გაათავისუფლეს, 32 კი დროებითი მოთავსების იზოლატორში რჩება.
ძალადობრივი აქციები თბილისი პრაიდის მიერ დაანონსებული ღირსების მარშის წინააღმდეგ ჩატარდა. 5 ივლისს დაგეგმილი ღირსების მარში ვერ შედგა, თუმცა, მეორე დღეს, ჟურნალისტებზე ძალადობის დასაგმობად მოქალაქეები მდუმარე აქციაზე შეიკრიბნენ. მათ შეუერთდნენ პრაიდის ორგანიზატორებიც, რომლებმაც ლგბტ დროშა გაშალეს და ფერადი კვამლი გაუშვეს. პრაიდი ჯებირებს მიღმა მობილიზებული ძალადობრივი ჯგუფების გინებისა და მუქარების ფონზე მაინც შედგა. აქციის დასრულების შემდეგ პრაიდის წევრებმა და ჟურნალისტებმა ტერიტორია პოლიციის დახმარებით დატოვეს.
გაიგე მეტი:
- მეუფე იაკობი ჟურნალისტებზე თავდასხმაზე პასუხისმგებლობას არ გრძნობს
- ჟურნალისტებმა ეს ამბავი მსოფლიოს უნდა გააცნოთ — სპაიკ ლი თბილისში განვითარებულ მოვლენებზე
- რა ხდებოდა რუსთაველის გამზირზე — ფოტორეპორტაჟი
- პოლიციამ რუსთაველის გამზირიდან ჟურნალისტები და აქტივისტებიც გაიყვანა, ძალადობრივი ჯგუფები კი პარლამენტთან მიუშვა
- ძალადობრივმა ჯგუფებმა ევროკავშირის დროშა ჩამოხსნეს
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
-
გადახედვაპოლიციამ გმირთა მოედანზე, რამდენიმე წუთის წინ, სამი ადამიანი დააკავა პოლიციამ გმირთა მოედანზე, რამდენიმე წუთის წინ, სამი ადამიანი დააკავა
-
გადახედვაპოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ პოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ
-
გადახედვაბუდუ ზივზივაძე: არა რუსეთს და არა ყველაფერს, რაც საქართველოს რუსეთისკენ მიაქანებს ბუდუ ზივზივაძე: არა რუსეთს და არა ყველაფერს, რაც საქართველოს რუსეთისკენ მიაქანებს
-
გადახედვაშსს-ს ვებგვერდი არ მუშაობს — ჰაკერული დაჯგუფება Anonymous წერს, რომ საიტი მათ გათიშეს შსს-ს ვებგვერდი არ მუშაობს — ჰაკერული დაჯგუფება Anonymous წერს, რომ საიტი მათ გათიშეს
-
გადახედვასაიას განცხადება გელა ნადირაძის ადგილსამყოფლის და მდგომარეობის შესახებ საიას განცხადება გელა ნადირაძის ადგილსამყოფლის და მდგომარეობის შესახებ
-
გადახედვაქართველი იუთუბერები საერთო ვიდეოს ავრცელებენ და რუსულ კანონს გმობენ ქართველი იუთუბერები საერთო ვიდეოს ავრცელებენ და რუსულ კანონს გმობენ
-
გადახედვაახლა საქართველოს ხელისუფლებაზეა დამოკიდებული, მე ნათლად ვთქვი, რომ ევროინტეგრაციის გზაზე ეს კანონი პრობლემაა — ხერტ იან კოოპმანი ახლა საქართველოს ხელისუფლებაზეა დამოკიდებული, მე ნათლად ვთქვი, რომ ევროინტეგრაციის გზაზე ეს კანონი პრობლემაა — ხერტ იან კოოპმანი
-
გადახედვაახლობლები ეძებენ აქციაზე საჩხერიდან ჩამოსულ კაცს — მას, სავარაუდოდ, სპეცრაზმმა სცემა ახლობლები ეძებენ აქციაზე საჩხერიდან ჩამოსულ კაცს — მას, სავარაუდოდ, სპეცრაზმმა სცემა
-
გადახედვადანიგანი: მოვუწოდებთ საქართველოს მთავრობას, კვლავ დაადასტუროს ერთგულება საქართველოს ევროატლანტიკური მომავლის მიმართ დანიგანი: მოვუწოდებთ საქართველოს მთავრობას, კვლავ დაადასტუროს ერთგულება საქართველოს ევროატლანტიკური მომავლის მიმართ
-
გადახედვაღოღობერიძე: ჩვენ გავიმარჯვებთ და ამ საქართველოში იმათთვისაც იქნება ღირსეული ადგილი, ვინც დღეს, სხვადასხვა მიზეზების გამო, სხვაგვარად ფიქრობს! ღოღობერიძე: ჩვენ გავიმარჯვებთ და ამ საქართველოში იმათთვისაც იქნება ღირსეული ადგილი, ვინც დღეს, სხვადასხვა მიზეზების გამო, სხვაგვარად ფიქრობს!
-
-
გადახედვალანა ღოღობერიძე: გგონიათ, წყლის ჭავლით და რეზინის ტყვიებით შეძლებთ ამ საუკუნეებით გამოწრთობილი სულისკვეთების ჩაკვლას? ლანა ღოღობერიძე: გგონიათ, წყლის ჭავლით და რეზინის ტყვიებით შეძლებთ ამ საუკუნეებით გამოწრთობილი სულისკვეთების ჩაკვლას?
-
გადახედვარუსული კანონის მოწინააღმდეგეები გმირთა მოედნის პიკეტირებას გეგმავენ — საპროტესტო აქცია ჩატარდება პარლამენტთანაც რუსული კანონის მოწინააღმდეგეები გმირთა მოედნის პიკეტირებას გეგმავენ — საპროტესტო აქცია ჩატარდება პარლამენტთანაც
-
გადახედვაკაცს, რომელმაც ლილოს მოვაჭრე შეკვეთით მოკლა, უვადო პატიმრობა შეეფარდა კაცს, რომელმაც ლილოს მოვაჭრე შეკვეთით მოკლა, უვადო პატიმრობა შეეფარდა
-
-
გადახედვასაპარლამენტო ოპოზიციის ბრიფინგი პარლამენტის დაკეტილ ჭიშკართან და მათი მთავარი გზავნილები ხელისუფლებას საპარლამენტო ოპოზიციის ბრიფინგი პარლამენტის დაკეტილ ჭიშკართან და მათი მთავარი გზავნილები ხელისუფლებას
-
-
გადახედვარამდენიმე სიმართლე, რისთვისაც თვალის გასწორება მოგიწევთ თქვენი პარპაშის დასრულებამდე — ჯაფარიძე ოცნებას რამდენიმე სიმართლე, რისთვისაც თვალის გასწორება მოგიწევთ თქვენი პარპაშის დასრულებამდე — ჯაფარიძე ოცნებას
-
გადახედვაპარლამენტმა გააუქმა პლენარული სხდომა, გაუქმებულია საგარეო საქმეთა მინისტრის მოხსენებაც — რა ხდება პარლამენტმა გააუქმა პლენარული სხდომა, გაუქმებულია საგარეო საქმეთა მინისტრის მოხსენებაც — რა ხდება
კომენტარები