არასამთავრობო ორგანიზაციები, უფლებადამცველები და აქტივისტები მოუწოდებენ ხელისუფლებას დროულად და ეფექტიანად გამოიძიოს დღეს, 5 ივლისს, ჰომოფობიური და ძალადობრივი ჯგუფების ორგანიზებულ აქციაზე მომხდარი ფაქტები.

"საქართველოს ხელისუფლებამ არა თუ ვერ უზრუნველყო წესრგი და ყველა ჯგუფის გამოხატვის კონსტიტუციური უფლება, არამედ ღიად ლოიალური ჩანდა ძალადობრივი, აგრესიული ჯგუფების მიმართ. მისთვის საუკეთესო გამოსავალი ისევ უმცირესობების ხმის დახშობა აღმოჩნდა. მან მოუწოდა აქციის ორგანიზატორებს უარი ეთქვათ ღირსების მარშზე", — ვკითხულობთ გავრცელებულ განცხადებაში.

მათი შეფასებით, დღეს განვითარებული მოვლენები აზიანებს ქვეყნის საერთაშორისო იმიჯს, საფრთხეს უქმნის ქვეყნის დემოკრატიულ განვითარებას და ახალისებს დაუსჯელობის სინდრომს.

"ჩვენ ვიხილეთ უმძიმესი კადრები: ადამიანების ფიზიკური ,სიტყვიერი შეურაცხყოფის, დისკრიმინაციის და ძალადობის წახალისებისა, რაშიც ძალადობრივ, პრორუსულ ჯგუფებთან ერთად აქტიურად მონაწილეობდნენ სასულიერო პირები. ისინი ავრცელებდნენ ძალადობრივ მესიჯებს და თავადაც მონაწილეობდნენ ძალადობრივ ქმედებების განხორციელებაში [...]

მიგვაჩნია, რომ ეს ყველაფერი მნიშვნელოვანად აზიანებს ქვეყნის საერთაშორისო იმიჯს, საფრთხეს უქმნის საზოგადოების მშვიდობიან და დემოკრატიულ განვითარებას, ძალადობრივ, დესტრუქციულ ჯგუფებში კი ღიად ახალისებს დაუსჯელობის სინდრომს", — ვკითხულობთ განცხადებაში, რომელსაც ხელს აწერენ შემდეგ ორგანიზაციები და აქტივისტები:

  • ფონდი ფემინა;
  • ფემინა;
  • დიღმის ჭალები;
  • ადიქციის კვლევითი ცენტრი;
  • ლალი კეკუა;
  • ლინდა ჩიხლაძე;
  • სალომე ლორთქიფანიძე;
  • ნინო დათაშვილი;
  • ქეთევან დობორჯგინიძე;
  • შოთა ციციშვილი;
  • ნათია ხარაზიშვილი;
  • ნათია სტეფანიშვილი;
    მაკა ნადირაძე.