Facebook-ზე ვიდეო გავრცელდა, სადაც ჩანს, რომ თავისუფლების მოედანზე მსუბუქი ავტომობილი 2 კურიერს დაეჯახა.

"შემთხვევით შევესწარი თავისუფლების მოედანზე, განზრახ როგორ დაარტყა მანქანამ ორ კურიერს. თან რამდენჯერმე", — წერს ვიდეოს ავტორი Facebook-ზე.

ვიდეოში, ასევე, ჩანს, რომ ავტომობილის მძღოლი ადგილიდან მიიმალა. მომხდართან დაკავშირებით On.ge შინაგან საქმეთა სამინისტროსაც დაუკავშირდა. მათ პასუხს მიღებისთანავე შემოგთავაზებთ.