საქართველოში Pfizer-ით 16 წლის ზემოთ პირები აიცრებიან. ამის შესახებ ბრიფინგზე დაავადებათა კონტროლის ცენტრის ხელმძღვაბელმა, ამირან გამყრელიძემ ისაუბრა.

როგორც მან თქვა, Pfizer-ს აქვს დაშვება 16 წლის ზემოთ პირებისთვის, ამიტომაც ეს ცვლილება საქართველოშიც იქნება.

"რაც შეეხება შემდგომ გადაწყვეტილებებს, რასაც ზოგიერთი ქვეყანა Pfizer-თან მიმართებით ახორციელებს, მოზარდების აცრებს, ამაზე დაველოდებით ჯანმრთელობის მსოფლიო ორგანიზაციის გადაწყვეტილებას", — აღნიშნა გამყრელიძემ.

საქართველოში Pfizer-ის მილიონ დოზას რამდენიმე კვირაში ელოდებიან. მილიონი დოზა ჩინური ვაქცინა Sinopharm და Sinovac უკვე ჩამოვიდა. ღარიბაშვილის თქმით, აღნიშნულ დოზებზე რეგისტრაცია ხვალ, 3 ივლისს დაიწყება, ორშაბათიდან კი მასობრივი ვაქცინაცია იქნება შესაძლებელი.