არიანა გრანდე თავის გულშემატკივრებს ახალი ალბომების გარდა თერაპიის დაფინანსებითაც გააბედნიერებს. მომღერალი ორგანიზაცია Betterhelp-თან თანამშრომლობს — ეს ონლაინ პლატფორმაა, სადაც ადამიანებს ფსიქოლოგთან დაკავშირება შეუძლიათ.

საჭიროების შემთხვევაში, პლატფორმაზე ნებისმიერ მსურველს შეუძლია დარეგისტრირდეს სპეციალური ლინკით და ის 1 თვის განმავლობაში უფასოდ გამოიყენოს. თუკი ამ დროის გასვლის შემდეგ ისინი გადაწყვეტენ თერაპიის გაგრძელებას, მათ 15%-იან ფასდაკლებას სთავაზობენ.

არიანამ ამ სიახლის შესახებ ფანებს ინსტაგრამზე აცნობა.

"ძალიან მიხარია, რომ Betterhelp-თან ვთანამშრომლობ. თერაპიასთან წვდომა მხოლოდ პრივილეგირებულ ადამიანებს არ უნდა შეეძლოთ. მესმის, რომ ეს ერთჯერადი აქცია პრობლემას ბოლომდე ვერ აღმოფხვრის, მაგრამ მაინც მინდა ამის გაკეთება. მინდა დაგანახოთ, რომ დახმარების თხოვნა სირცხვილი არაა. იმედი მაქვს საკუთარ თავს არ განსჯით, იმის გამო რომ თერაპევტი გჭირდებათ", — წერს მომღერალი

შეგახსენებთ, რომ რამდენიმე წლის წინ, ბრიტანეთში არიანა გრანდეს კონცერტზე ტერორისტული აქტი მოხდა, რის შედეგადაც 27 ადამიანი დაიღუპა და ათასობით დაშავდა. 2018 წელს ინტერვიუში, არიანამ ღიად ისაუბრა ამ ამბის შემდეგ მის მენტალურ მდგომარეობაზე. როგორც მომღერალმა განაცხადა, მას დღემდე აწუხებს პოსტ ტრავმატული სტრესული აშლილობა.

"შფოთვა ყოველთვის მაწუხებდა, მაგრამ ამაზე არ ვსაუბრობდი, რადგან მეგონა ეს ყველასთვის ნაცნობი სიტუაცია იყო. მაგრამ ამ კონცერტის შემდეგ, როდესაც სახლში დავბრუნდი, ყველაზე რთული შეტევები მქონდა", — თქვა მომღერალმა ინტერვიუში.