როცა პატარა ქალაქის რესტორანი ბოლომდეა ხალხით გადაჭედილი, მფლობელი ფიქრობს, რომ საკმაოდ დიდ თანხას აიღებს დღის ბოლოს. სამწუხაროდ, ყოველთვის ასე არ ხდება.

ესპანეთში, ქალაქ ბემბირში რესტორნიდან 120 კლიენტი ერთდროულად, თანხის გადახდის გარეშე გაიპარა.

სტუმრებს წინასწარ ჰქონდათ გადახდილი 900 ევრო მაგიდის დასაჯავშნად. მათ ყველაფერი მიირთვეს დესერტის გარდა: სტარტერები, მთავარი კერძი და 30 ბოთლი ალკოჰოლი. საერთო ჯამში, საჭმლის ღირებულება 2000 ევროს აჭარბებდა.

"ყველაფერი ერთი წუთის განმავლობაში მოხდა, აშკარად ეტყობოდათ, რომ ეს წინასწარ ჰქონდათ დაგეგმილი", - ამბობს რესტორნის მფლობელი, რომელიც 35 წელია ამ ბიზნესშია და აქამდე ასეთი შემთხვევა არ ჰქონია.