პარტია გირჩის ერთ-ერთი ლიდერის, ვახტანგ მეგრელიშვილის თქმით, არ არის დარწმუნებული, ამომრჩევლის 8% საერთოდ იცის თუ არა რომ ექსპრემიერმა გიორგი გახარიამ ახალი პარტია ჩამოაყალიბა. ასე გამოეხმაურა იგი IPSOS-ის კვლევის შედეგებს, რომლის მიხედვითაც, ხვალ რომ თვითმმართველობის არჩევნები ტარდებოდეს, ამომრჩევლის 8% სწორედ გახარიას ახლადშექმნილ პარტიას მისცემდა ხმას.

"8%-მა საერთოდ იცის თუ არა რომ გახარიამ ახალი პარტია ჩამოაყალიბა და რა ჰქვია ამ პარტიას, მე მაგაშიც არა ვარ დარწმუნებული, უბრალოდ, იმდენად ცოტა დროა გასული. შესაბამისად, ეს კვლევა მგონია სუფთა პარტიული პროპაგანდა", — განაცხადა მეგრელიშვილმა იმედთან საუბრისას.

მთავარი არხის მიერ დაკვეთილი IPSOS-ის კვლევის თანახმად, ხვალ რომ ადგილობრივი თვითმმართველობის არჩევნები ტარდებოდეს 32% ხმას ქართულ ოცნებას მისცემდა, 23% ნაციონალურ მოძრაობას, 8% კი გიორგი გახარიას პარტიას — საქართველოსთვის.

ექსპრემიერმა, გიორგი გახარიამ ახალი პარტიის — საქართველოსთვის — პრეზენტაცია 29 მაისს გამართა.

გაიგე მეტი: