საქართველოს პრეზიდენტი, სალომე ზურაბიშვილი ოფიციალური ვიზიტით უკრაინას ეწვია. მასთან ერთად არიან საკანონმდებლო და აღმასრულებელი ხელისუფლების წარმომადგენლები, ასევე პრეზიდენტის ადმინისტრაციის თანამშრომლები.

ვიზიტის ფარგლებში ზურაბიშვილი უკრაინის პრეზიდენტს, ვოლოდიმირ ზელენსკის შეხვდება. შეხვედრები ჩატარდება როგორც პირისპირ, ისე გაფართოებულ ფორმატში.

დაგეგმილია საქართველოს დელეგაციის შეხვედრები უკრაინის პრემიერთან, დენის შმიგალთან და უკრაინის ეროვნული რადას თავმჯდომარესთან, დმიტრო რაზუმკოვთან.

სალომე ზურაბიშვილის დახვედრის ოფიციალური ცერემონია კიევში, უკრაინის პრეზიდენტის სასახლეში 23 ივნისს გაიმართება.

ფოტო: საქართველოს პრეზიდენტის ადმინისტრაცია