დაიანა როსის მოყვარულებისთვის მოულოდნელი და სასიამოვნო სიახლე გავრცელდა. აშკარაა, მომღერალი კარანტინში დროს ფუჭად არ კარგავდა. მან განაცხადა, რომ ახალ ალბომს გამოუშვებს და მასთან დაკავშირებული დეტალებიც გაგვაცნო.

Thank you ამ სახელწოდებით გამოვა მომღერლის ახალი ალბომი. მისი ბოლო ნამუშევარი 2006 წელს გამოვიდა სახელად I love you. როგორც ჩანს, დაიანა ფანებს მადლობას უხდის, რომ ამდენი ხნის პაუზის შემდეგაც კი მისი ერთგულები რჩებიან.

"ალბომში შესული სიმღერები, არის ჩემი სიყვარულის და მადლიერების გამოხატულება", — ნათქვამია მომღერლის განცხადებაში. "სამუდამოდ მადლიერი ვარ, რომ ამ მუსიკის ჩაწერის შესაძლებლობა მომეცა, ასეთ დროს".

ალბომის პირველი სიმღერა, რომელსაც ასევე Thank you ჰქვია, სამშაბათს გამოვიდა და მისი მოსმენა უკვე შესაძლებელია.

პრესრელიზში ნათქვამია, რომ "ალბომის მთავარი გზავნილი სიყვარულის და ერთიანობის გავრცელებაა. დაიანა თავისი მუსიკით კიდევ ერთხელ გვაჩვენებს, რომ ჩვენ უნდა გავერთიანდეთ ყველაფრის წინაშე".

ალბომში სულ 13 სიმღერაა შესული, რომლის თანაავტორიც სხვადასხვა პოპ პროდიუსერებთან ერთად თავად დაიანა როსია. ის სექტემბერში გამოვა და ეს მომღერლის 25-ე სოლო ალბომი იქნება. საერთო ჯამში კი მას 43 ალბომზე აქვს ნამუშევარი.

ფოტო: GETTY IMAGES

აახლა უკვე 77 წლის მომღერალმა თავისი კარიერა ჯგუფ The Supremes-თან ერთად დაიწყო,, რომელსაც ჰქონდა ისეთი ჰიტები როგორიცაა Baby Love, Stop!, In The Name Of Love და You Keep Me Hanging On. 1970 წელს კი მან სოლო კარიერა დაიწყო და მსმენელს მალე შეაყვარა თავი ისეთი სიმღერებით, როგორიცაა Upside Down, Endless Love და I'm coming out.

2020 წელს დაიანას დაგეგმილი ჰქონდა Glastonbury-ის ცნობილ მუსიკალური ფესტივალში მონაწილეობა, მაგრამ პანდემიის გამო ფესტივალი გადაიდო. თუმცა როგორც ჩანს, კოვიდმა ვერ შეძლო მომღერლისთვის ხელის შეშლა და მან თავისი მუსიკა მსმენელებს მაინც მიაწვდინა.