სტატისტიკის ეროვნული სამსახურის ინფორმაციით, თებერვლის ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ სურსათისა და უალკოჰოლო სასმელების ჯგუფებზე.

ფასები გაიზარდა 1,7 პროცენტით, რაც ინფლაციის მთლიან მაჩვენებელზე 0,51 პროცენტული პუნქტით აისახა.

საქსტატის მონაცემებით, ფასების ზრდა შემდეგ ქვეჯგუფებზე:

  • ბოსტნეული და ბაღჩეული - 6,7%
  • ხორცი და ხორცის პროდუქტები - 2,7%
  • ხილი და ყურძენი - 2,5%
  • ზეთი და ცხიმი - 1,8%
  • ყავა, ჩაი და კაკაო - 1,7%

ფასები შემცირდა:

  • რძის, ყველისა და კვერცხის ქვეჯგუფზე - 0,7%-ით.

ტრანსპორტის ჯგუფში ფასები გაიზარდა 3,5 პროცენტით, შესაბამისად, ჯგუფის წვლილმა ინფლაციის მთლიან მაჩვენებელში 0,48 პროცენტული პუნქტი შეადგინა.

ფასების მატება დაფიქსირდა:

  • პირადი სატრანსპორტო საშუალებების ექსპლუატაციაზე - 5%
  • სატრანსპორტო საშუალებების შეძენაზე - 0,8%
  • სატრანსპორტო მომსახურებაზე - 0,6%.

ალკოჰოლური სასმელებისა და თამბაქოს ფასები გაიზარდა 5,1 პროცენტით, რაც ინფლაციის მთლიან მაჩვენებელზე 0,34 პროცენტული პუნქტით აისახა.

ფასები გაიზარდა:

  • თამბაქოს ნაწარმზე - 9,4%-ით;
  • ალკოჰოლურ სასმელებზე - 0,9 პროცენტით.