2017 წლის 1 აპრილამდე სახელმწიფო უწყებები კვლავ მაგთისა და ჯეოსელის მომსახურებით ისარგებლებენ. ამ კომპანიებმა გასულ წელს სატელეკომუნიკაციო მომსახურებაზე კონსოლიდირებულ ტენდერში გაიმარჯვეს. მათ ვადა 2017 წლის 31 იანვარს ეწურებოდათ. 2017 წელს სატელეკომუნიკაციო მომსახურებაზე კონსოლიდირებული ტენდერი ჯერ არ გამოცხადებულა.

აღნიშნულ კომპანიებთან თანამშრომლობის გაგრძელება მას მერე გადაწყდა, რაც 2017 წელს გამოცხადებულ ტენდერში გამარჯვებული ვერ გამოვლინდა. ვადის გაგრძელების გადაწყვეტილება სატენდერო კომისიამ მიიღო. თუმცა, ეს ვადა 1 მარტს უნდა ამოწურულიყო, მაგრამ საქართველოს მთავრობამ 27 თებერვალს განკარგულება გამოსცა და ვადა კიდევ 1 თვით გაახანგრძლივა.

2017 წელს გამოცხადებულ კონსოლიდირებულ ტენდერში მხოლოდ ბილაინი (შპს მობიტელი) მონაწილეობდა. თუმცა, მასთან სახელმწიფო კომპანიებმა ხელშეკრულება აღარ გააფორმეს. ტენდერი უარყოფითი შედეგით დასრულდა.