კოალიცია მედიის ადვოკატირებისთვის სამართალდამცავ ორგანოებს მოუწოდებს, რომ ზუგდიდში, კორცხელის საარჩევნო უბანთან მომხდარი ფიზიკური დაპირისპირების ფაქტზე გამოძიება ჟურნალისტურ საქმიანობაში ხელშეშლის მუხლითაც აწარმოოს და ადეკვატურად დასაჯოს დამნაშავე პირები. აღნიშნულის შესახებ კაოლიციამ სოციალური ქსელით განცხადება გაავრცელა.

კოალიციის განცხადებით, ზუგდიდში მომხდარ ინციდენტზე დაგვიანებული და არასათანადო რეაგირება შემაშფოთებელია:

"მიღებული ინფორმაციით, ხელშეშლისა და ფიზიკური შეურაცხყოფის ფაქტებს ჰქონდა ადგილი არაერთი მედიასაშუალების წარმომადგებელთა: ადგილობრივი ტელეკომპანია ოდიშის LIVEPRESS -ის Ipress-ის საზოგადოებრივი მაუწყებლისა და რუსთავი 2-ის ჟურნალისტების მიმართ".
კოალიციის განცხადების თანახმად, კორცხელის ინციდენტზე რეაგირება არსებითად აისახება 2016 წლის წინასაარჩევნო გარემოზე და გავლენას მოახდენს პროცესის მიმდინარეობაზე, მათ შორის განსაზღრავს მედიისთვის მუშაობის გარემოს.