დეპუტატ ხათუნა სამნიძის განცხადებით, ცუდია და შეცდომაა, რომ ნაციონალურ მოძრაობას ჯერ ხელი არ მოუწერია შარლ მიშელის დოკუმენტისთვის. სამნიძე იმედს გამოთქვამს, რომ ენმ ამ გადაწყვეტილებას გადახედავს.

"ჩვენი საერთაშორისო პარტნიორები ისევე საქართველოს მოქალაქეები, ვფიქრობ, ელოდებიან ამ გადაწყვეტილებას. მე ვფიქრობ პირადად და იმედი მაქვს, რომ გადაიხედება ეს გადაწყვეტილება და ხელს მოაწერენ დოკუმენტს.

ამ დოკუმენტში ასახული ყველა საკითხი არის სასიცოცხლოდ მნიშვნელოვანი. ვფიქრობ, რომ შარლ მიშელის დოკუმენტმა რეალობა შეცვალა ამ ქვეყანაში იმ თვალსაზრისითაც, რომ სისტემატიურად გვყავს სტუმრად მაღალი რანდგის წარმომადგენლები დასავლელი პარტნიორები და ერთ-ერთი მთავარი საკითხი ყველა საკითხი, რომლითაც ისინი ოპოზიციასთან მართავენ არის, როგორ სრულდება შარლ მიშელის დოკუმენტი", — აცხადებს სამნიძე.

დღეს, 8 ივნის ნაციონალური მოძრაობის წევრები პარლამენტში მიდიან, ისინი პლენარულ სხდომაზე დასწრებას გეგმავენ. პარტია პარლამენტში შესვლას დათანხმდა, თუმცა შარლ მიშელის დოკუმენტს ხელი არ მოაწერეს.