2 ივნისის ვაჭრობის შედეგად, ეროვნული ვალუტა როგორც დოლართან, ასევე ევროსთან მიმართებით კვლავ გამყარდა.

დღეს დადგენილი კურსის მიხედვით, ერთი დოლარის ღირებულება 3,2228 ლარი გახდა, რაც 3,19 თეთრით გამყარებას ნიშნავს — ლარი ამაზე მეტად გამყარებული ბოლოს 2020 წლის ოქტომბერში იყო.

ევროსთან მიმართებით კი, ეროვნული ვალუტა 5,54 თეთრით გამყარდა და ერთი ევრო 3,9238 ლარს გაუტოლდა.

შეგახსენებთ, რომ ლარის კურსის მერყეობის შესამცირებლად, საქართველოს ეროვნულმა ბანკმა მიმდინარე წელს შვიდი სავალუტო ინტერვენცია განახორციელა და ჯამურად 242,9 მლნ დოლარი გაყიდა. მათ შორის, ბოლო სავალუტო აუქციონი 22 აპრილს შედგა, სადაც ეროვნულმა ბანკმა 30 მილიონი დოლარი გაიყიდა.

სებ-ის მიერ დღეს დადგენილი გაცვლითი კურსი ხვალ, 3 ივნისს შევა ძალაში.