რობოტების რბოლა Formula E-ს პროექტია, რომელმაც დიდი გზა გამოიარა განხორციელებამდე. ის გულისხმობს უპილოტო სარბოლო მანქანების დამოუკიდებელ შეჯიბრებას. ამ პროექტის სულისჩამდგელებმა Mobile World Forum-ზე ბარსელონაში პირველი უპილოტო სარბოლო მანქანა წარადგინეს.

ფოტო: Roborace

ფოტო: Roborace

უპილოტო სარბოლო მანქანის დიზაინი გასულ მარტს ვიხილეთ, როცა Roborace-მა ვიდეო გაავრცელა, მაგრამ მაშინ ჯერ კიდევ ბევრი იყო სამუშაო.

უპილოტო მანქანა მხოლოდ ვიზუალურად არ არის მომაჯადოებელი. მისი შესაძლებლობებიც საკმაოდ შთამბეჭდავია. მანქანას თითოეულ ბორბალზე 300 კილოვატი ენერგიის ძრავი უყენია, რომლის წყალობითაც 320 კმ/სთ სიჩქარის განვითარებაა შესაძლებელი. მანქანის კომპიუტერული სიმძლავრე Nvidia Drive PX2-ით არის უზრუნველყოფილი, რომელიც მოიცავს სხვადასხვა ტიპის სენსორს და კამერას უსაფრთხო მოძრაობსითვის. ჯერჯერობით უპილოტო მანქანას საჯარო რბოლაზე ვერ ვიხილავთ, რადგან შემოწმება არ დასრულებულა. თუმცა, როგორც ვარაუდობენ, ამ მომხიბვლელმა მოდელმა 1 აპრილს ბუენოს აირესში, Formula E-ს რბოლაზე უნდა გაიბრწყინოს.