ირაკლი კობახიძის განცხადებით, გახარიამ უნდა უპასუხოს კითხვას, კორუფციაზე საუბრისას საპარლამენტო ტრიბუნიდან ტყუოდა, თუ პარტიის წარდგენის დღეს.

"რამდენიმე თვის წინ ის პარლამენტის წევრებს, საპარლამენტო ტრიბუნიდან ეუბნებოდა, რომ საქართველოშ არ იყო არავითარი კორუფცია. დღეს ის საუბრობს კორუფციაზე, როგორც მნიშვნელოვან პრობლემაზე. კითხეთ მას, როდის ტყუოდა, საპარლამენტო ტრიბუნასთან, თუ გუშინ, როდესაც აკეთებდა ამ განცადებას. ეს არის, რა თქმა უნდა თავდასხმა", — განაცხადა მან.

მისივე თქმით, გიორგი გახარიას ახალმა პარტიამ მათთვის აქტუალობა დაკარგა "უღიმღამო პრეზენტაციის" შემდეგ.

პარლამენტში სიტყვით გამოსვლისას ჯერ კიდევ პრემიერმინისტრი გახარია ამბობდა, რომ ქვეყანაში კორუფცია არ არის და "შეიძლება ვიღაცამ, ვიღაცას ქართულ-ჯიგრულ პონტში" რამე გაუკეთოს, მაგრამ ეს კორუფცია არ არის. ქართული ოცნებიდან წამოსვლის შემდეგ, საკუთარი პარტიის წარდგენისას კი მან განაცხადა, ქვეყანას სუსტი ინსტიტუტები აქვს, სადაც ნეპოტიზმისა და კორუფციის რისკები არსებობს და ეს სასწრაფოდ მოსაგვარებელია.