დამოუკიდებლობის ღონისძიებაზე სიტყვით გამოსვლისას პრეზიდენტი სალომე ზურაბიშვილი ნამახვანჰესის საკითხსაც შეეხო და განაცხადა, რომ საჭიროა ხედვა, კონკრეტული გეგმა და ერთობა.

"ქვეყნის წინაშე არსებული გამოწვევების დასაძლევად — პანდემიის, პოლიტიკური დაპირისპირების, საზოგადოების პოლარიზაციასა და სოციალურ-ეკონომიკური კრიზისის, თუ საზოგადოებისთვის მწვავედ აღქმული ისეთი თემები, როგორიცაა ნამახვანჰესის საკითხი, გვჭირდება საკუთარი ხედვა, კონკრეტული გეგმა და, რაც მთავარია, ერთობა", — განაცხადა მან.