უეს ანდერსონის The Royal Tenenbaums-ის სახლში ცხოვრება თვეში $20 ათასი დაგიჯდებათ

თუ ყოველთვის ოცნებობდით, უეს ანდერსონის ჯადოსნურ სამყაროში მოგზაურობაზე და ამისთვის ცნობილი რეჟისორის ფილმების ნახვა საკმარისი არაა, შეგიძლიათ ტენენბაუმების ოჯახის ცნობილი სახლი იქირაოთ. ეს სიამოვნება თვეში სულ რაღაც $20 000 დაგიჯდებათ.

The Royal Tenenbaums უეს ანდერსონის ერთ-ერთი ყველაზე ცნობილი და წარმატებული ფილმია, რომელიც ტენენბაუმების ოჯახზე მოგვითხრობს. საინტერესო და მრავალფეროვან პერსონაჟებთან ერთად, მაყურებელს ტენენბაუმების ულამაზესი სახლიც მოხიბლავს. ანერსონმა ერთ-ერთ ინტერვიუში აღნიშნა, რომ ნიუ-იორკში მდებარე სახლი იმიტომ აარჩია, რომ ის ქალაქისთვის სტერეოტიპული არ იყო.

სახლში 6 საძინებელი, სასადილო ოთახი, 4 საპირფარეშო, მისაღები, ბაღი და ლიფტი დაგხვდებათ, რომელიც სახლის სამ სართულს ერთმანეთთან აკავშირებს. მიუხედავად იმისა, რომ 2001 წელს The Royal Tenenbaums-ის გამოსვლის შემდეგ სახლი განაახლეს, საცხოვრებელი ძველ მომხიბვლელობასა და ჯადოსნურობას მაინც ინარჩუნებს.

აღსანიშნავია, რომ წელს The Royal Tenenbaums-ის გამოსვლიდან 20 წელი გავიდა. ამ განსაკუთრებული თარიღის აღსანიშნავად რეჟისორი ფილმის მსახიობებთან ერთად ტრიბეკას კინოფესტივალზე ერთმანეთს კიდევ ერთხელ შეხვდებიან. შეხვედრას დაესწრებიან გვინეტ პელტროუ, ლუკ უილსონი, ოუენ უილსონი, ალეკ ბოლდუინი და ა.შ.

ამავე თემაზე:

ბოლო ამბები:

გირჩევთ