გახარიას გუნდის წევრი, ანა ბუჩუკური ადამიანის უფლებათა კომიტეტის სხდომაზე აცხადებს, რომ ამნისტია გიორგი გახარიაზე არ უნდა გავრცელდეს, რადგან მას ეს ამნისტია არ სჭირდება.

"ამნისტია არ გავავრცელოთ სახელმწიფო პოლიტიკური თანამდებობის პირებზე, ანუ იმ პირებზე, რომლებსაც ეს თანამდებობა ეკავათ იმ პერიოდში და სამაგიეროდ გავრცელდეს რიგით პოლიციელებზე, წინააღმდეგ შემთხვევაში კონსენსუსის ვერავინ ვერ ვიტყვით, სამწუხაროდ, რომ შრლ მიშელის დოკუმენტით აღებული ვალდებულება კეთილსინდისიერად შესრულდა", — განაცხადა ბუჩუკურმა.

სარჯველაძის კითხვას, ნიკა მელიაზეც უნდა გავრცელდეს თუ არა ამნისტია, ბუჩუკურმა უპასუხა, რომ პირველ რიგში, ამნისტია სწორედ გახარიაზე არ უნდა გავრცელდეს.

"პირველ, რიგში, არ უნდა გავრცელდეს გიორგი გახარიაზე იმიტომ, რომ მას ეს ამნისტია არ სჭირდება, დანარჩენი უკვე ბუნებრივია მხარეებს შორის არის შეთანხმების საგანი და კიდევ ერთხელ, მაინც, რომ მანიპულაციებსა და სპეკულაციებს არ ჰქონდეს ადგილი, მთავარი არის, რომ მხარეებს შორის შედგეს შეთანხმება", — თქვა დეპუტატმა.

პარლამენტში ამნისტიის შესახებ ორი კანონპროექტია დარეგისტრირებული — ერთი ოპოზიციის და ერთიც მმართველი პარტიის.

20 ივნისთან დაკავშირებულ საქმეებზე ამნისტიის მიღება ევროპული საბჭოს პრეზიდენტის, შარლ მიშელის ინიციატივით შემქნილი დოკუმენტის ერთ-ერთი პუნქტი იყო.