თბილისის მერიის ცნობით, რუსთაველის გამზირზე ავტობუსებისთვის განკუთვნილი სპეციალური ზოლი დაიხაზა და ე.წ. ბასლეინის სიგრძე სამ კილომეტრს შეადგენს.

უწყების განცხადებით, მიმდინარე წელს დედაქალაქში 20 კილომეტრის სიგრძის ავტობუსის ზოლი შეიქმნა და ამავე წელს ასევე, დაგეგმილია აღნიშნული მაჩვენებლის 60 კილომეტრამდე გაზრდა, რაც მთლიანი სატრანსპორტო დერეფნის დაახლოებით, ნახევარს შეადგენს.

მერიის ინფორმაციით, ავტობუსისთვის გამოყოფილი ზოლები უკვე დახაზულია შემდეგ ქუჩებზე:

  • ანჯაფარიძე;
  • მელიქიშვილი;
  • კოსტავა;
  • პუშკინი;
  • ბარათაშვილი;
  • ალექსიძე;
  • ვეკუა;
  • ხიზანიშვილი;
  • იონა ვაკელი;
  • ჩოლოყაშვილი;
  • კალანდაძე;
  • კანდელაკი;
  • შარტავა და ვახტანგ გორგასალი;
  • ჭავჭავაძე,
  • პეკინი;
  • აღმაშენებელი;
  • რობაქიძის (ნაწილობრივ) გამზირებზე და ბარათაშვილის აღმართზე.

"სამომავლოდ, ავტობუსის ზოლები განთავსდება შემდეგ მისამართებზე: პოლიტკოვსკაიას, ქავთარაძის, თამარაშვილის, აფხაზის, ჰოლბრუკის, ხმელინცკის, ჯავახეთის, ჩაჩავას, დადიანის, წინამძღვრიშვილის, გაგარინის, ერისთავის, ბელიაშვილის, ბალანჩინის, მირიან მეფის, პეტრიწისა და არჩილ მეფის ქუჩებზე; ბერი გაბრიელ სალოსის, ქეთევან დედოფლის, ვაჟა ფშაველას, მოსკოვის, თამარ მეფის, წერეთლის, გელოვანის, რობაქიძის (სრულად), ფარნავაზ მეფისა და გურამიშვილის გამზირებზე, ასევე, კახეთის გზატკეცილზე", — აცხადებენ მერიაში.

მათივე თქმით, გეგმა დამუშავების პროცესშია და შესაძლოა, მასში გარკვეული ცვლილებები შევიდეს.