თანამედროვე სამყაროში დროის პრობლემა თითქმის ყველას აწუხებს. თითქოს ყოველთვის რაღაცაა გასაკეთებელი, მაგრამ დრო არასდროს გვყოფნის. 21-ე საუკუნეში ამ მხრივ ადამიანებს მხსნელად რობოტები გვევლინებიან. ისინი დაუღალავად და შეუსვენებლად ასრულებენ იმ რუტინულ სამუშაოებს, რისთვისაც ჩვენ, ადამიანებს, ყოველთვის ცოტა დრო გვაქვს.

რობოტი მტვერსასრუტები სწორედ ასეთი პრობლემის გადაჭრის ინოვაციური მეთოდია.

1. რობოტ მტვერსასრუტს დახვეწილი დიზაინი აქვს და მსუბუქია

როგორც წესი, რობოტი მტვერსასრუტები მრგვალი ფორმისაა და საშუალოდ მათი წონა 4 კილოგრამია. დახვეწილი დიზაინის გამო მსგავსი მტვერსასრუტების გამოყენება მარტივია, ხოლო სიმსუბუქე მოწყობილობას პრაქტიკულს ხდის.

2. მუშაობს ელემენტებზე და მალე იმუხტება

მსგავს მტვერსასრუტს დამუხტვის გარეშე დაახლოებით 40-60 წუთის განმავლობაში შეუძლია მუშაობა, ხოლო დასამუხტად 3 საათი სჭირდება. რაც მნიშვნელოვანია, დამუხტვის საჭიროების შემთხვევაში, რობოტი თავს თავად უვლის და დასატენ "სადგურზე" ავტომატურად მიდის.

3. მტვერს პოულობს ყველაზე მიუწვდომელ ადგილებშიც კი

ის, რომ მსგავს მოწყობილობას ვერაფერს გამოაპარებ და მას ყველაზე "დაუმორჩილებელი" მტვრის მიგნებაც შეუძლია, უცხო არავისთვისაა. მისი ზომიდან გამომდინარე, რობოტი თავისუფლად მოძრაობს და ვიწრო სივრცეებსაც მარტივად ითვისებს.

4. მუშაობს რამდენიმე რეჟიმში

რობორ მტვერსასრუტებს რამდენიმე რეჟიმი აქვთ, რის მიხედვითაც მისი სიმძლავრის დარეგულირება შეგიძლიათ. სიმძლავრეზეა დამოკიდებული ისიც თუ რამდენად ხმაურიანი იქნება სახლის დალაგების პროცესი. შედარებით სუსტ რეჟიმზე დაყვანისას მტვერსასრუტის ხმა ფაქტობრივად არ ისმის. თუმცა, მსგავსი რობოტის შემთხვევაში ხმის ფაქტორი საერთოდ არ არის პრობლემა, მას სახლის მოვლა მაშინაც შეუძლია, როცა თქვენ სახლში არ იმყოფებით.

გარდა იმისა, რომ რობოტი სახლში მტვერს თქვენს გარეშე აქრობს, შეგიძლიათ სპეციალური რეჟიმი ჩაურთოთ და ის ყოველდღე ერთი და იმავე დროს დაიწყებს და დაასრულებს მუშაობას.

5. აქვს სველი და მშრალი წმენდის ფუნქცია

აღსანიშნავია, რომ ამ ინოვაციურ მტვერსასრუტებს სველი და მშრალი წმენის ფუნქციებიც აქვთ. მეტიც, ის მტვერს არა მარტო იღებს, წმენდს კიდევაც.

ერთი სიტყვით, რობოტი მტვერსასრუტი ეს ის ტექნოლოგიაა, რომელიც დროს ნამდვილად დაგიზოგავთ და ამასთან რუტინულ საქმესაც აგარიდებთ.

ალტა კომპიუტერული და საოჯახო ტექნიკის ერთ-ერთი უმსხვილესი მაღაზიაა, რომელიც მსოფლიოს წამყვან ბრენდებთან პარტნიორობს და მომხმარებელს ათასობით პროდუქტს სთავაზობს.

ალტაში რობოტი მტვერსასრუტების გარდა, კლასიკური მტვერსასრუტ-სტიკების შეძენა შეგიძლიათ.